ന്യൂഡൽഹി:
കൊവിഡ് വ്യാപനം രൂക്ഷമായ സാഹചര്യത്തിൽ മേയ് ഒന്നുമുതൽ 18 വയസിന് മുകളിലുള്ളവരെ വാക്സിനേഷന് വിധേയമാക്കുന്ന യജ്ഞത്തിന് തുടക്കമിടുമെന്ന് കേന്ദ്ര സർക്കാർ പ്രഖ്യാപിച്ചിരുന്നു. എന്നാൽ വാക്സിൻ ക്ഷാമം കാരണം ആറ് സംസ്ഥാനങ്ങൾ മാത്രമാണ് നിലവിൽ യജ്ഞത്തിന് തുടക്കമിട്ടത്.
മഹാരാഷ്ട്ര, രാജസ്ഥാൻ, ഉത്തർപ്രദേശ്, ഛത്തിസ്ഗഢ്, ഗുജറാത്ത്, ഒഡീഷ സംസ്ഥാനങ്ങളിലാണ് ഭാഗികമായി വാക്സിനേഷൻ യജ്ഞങ്ങൾ തുടങ്ങുന്നത്. ഈ സംസ്ഥാനങ്ങളിൽ ചില ജില്ലകളിൽ മാത്രമാണ് സൗകര്യം ലഭ്യമാകുക.