മലപ്പുറം:
കൊവിഡിന്‍റെ രണ്ടാം വ്യാപനം അതിരൂക്ഷമായി തുടരുന്നതിനിടെ മലപ്പുറം ജില്ലയിൽ നിയന്ത്രണങ്ങൾ ശക്തമാക്കുന്നു. 16 പഞ്ചായത്തുകളിൽ ജില്ലാ കലക്ടർ നിരോധനാജ്ഞ പ്രഖ്യാപിച്ചു. നന്നംമുക്ക്, മുതുവല്ലൂർ, ചേലേമ്പ്ര, വാഴയൂർ, തിരുനാവായ, പോത്തുകല്ല്, ഒതുക്കുങ്ങൽ, താനാളൂർ, നന്നമ്പ്ര, ഊരകം, വണ്ടൂർ, പുൽപ്പറ്റ, വെളിയംങ്കോട്, ആലങ്കോട്, വെട്ടം, പെരുവള്ളൂർ ഗ്രാമപഞ്ചായത്തുകളിലാണ് നിരോധനാജ്ഞ.
ഇന്ന് രാത്രി ഒമ്പത് മുതൽ ഈ മാസം 30ാം തീയതി വരെയാണ് നിയന്ത്രണങ്ങൾ ഏർപ്പെടുത്തിയിരിക്കുന്നത്. ടെസ്റ്റ് പോസിറ്റിവിറ്റി നിരക്ക് 30 ശതമാനം കൂടുതലുള്ള പ്രദേശങ്ങളിലാണ് നിരോധനാജ്ഞ. നിയന്ത്രണങ്ങൾ ഏർപ്പെടുത്ത പഞ്ചായത്തുകളിൽ ആളുകൾ കൂട്ടം കൂടുന്നത് കർശനമായി നിയന്ത്രിക്കും.
മലപ്പുറം ജില്ലയിൽ കഴിഞ്ഞ ദിവസം 2776 പേർക്കാണ്കൊവിഡ് സ്ഥിരീകരിച്ചത്. ഇതിൽ 2675 പേർക്കും സമ്പർക്കത്തിലൂടെയായിരുന്നു രോഗബാധ. 378 പേർക്ക് രോഗമുക്തിയും ഉണ്ടായി.