തിരുവനന്തപുരം:
മുഖ്യമന്ത്രി പിണറായി വിജയനെതിരെ വ്യാജ മൊഴി നൽകാൻ സ്വർണക്കടത്ത് കേസ് പ്രതി സ്വപ്ന സുരേഷിനെ പ്രേരിപ്പിച്ചതിന് എൻഫോഴ്സ്മെന്‍റ് ഡയറക്ടറേറ്റിനെതിരെ ക്രൈംബ്രാഞ്ച് കേസ്. സ്വപ്നസുരേഷിന്‍റെ ശബ്ദരേഖയുടെ അടിസ്ഥാനത്തിലാണ് കേസ്. അന്വേഷണചുമതലയുള്ള ഇ ഡി ഉദ്യോഗസ്ഥർക്കെതിരായാണ് കേസ്.
ഇ ഡി ഉദ്യോഗസ്ഥർക്കെതിരെ ഗൂഢാലോചനകുറ്റവും ചുമത്തിയിട്ടുണ്ട്. നേരത്തെ ഇ ഡിക്കെതിരെ കേസെടുക്കാമെന്ന് സംസ്ഥാന സർക്കാറിന് നിയമോപദേശം ലഭിച്ചിരുന്നു. ഇതിന്‍റെ അടിസ്ഥാനത്തിലാണ് ഇപ്പോഴത്തെ നടപടി. ഡോളർ കടത്തിൽ മുഖ്യമന്ത്രിക്കും പങ്കുണ്ടെന്ന മൊഴി സ്വപ്ന സുരേഷ് നൽകിയിരുന്നു. ഇത് ഇ ഡി സമ്മർദ്ദം മൂലമാണെന്ന് സ്വപ്നയുടെ സുരക്ഷാചുമതലയുള്ള ഉദ്യോഗസ്ഥയും മൊഴി നൽകിയിട്ടുണ്ട്.