പാചകവാതക വില കുതിച്ചുയരുന്നതിനിടെ പ്രധാന മന്ത്രി നരേന്ദ്രമോദിയുടെ പഴയ ട്വീറ്റ് കുത്തിപ്പൊക്കി സോഷ്യൽ മീഡിയ. യുപിഎ ഭരണകാലത്ത് ഗ്യാസിന് വില കൂട്ടിയപ്പോൾ മോദി നടത്തിയ പ്രതികരണമാണ് ഇപ്പോൾ തിരിച്ചുകുത്തുന്നത്. മോദി അധികാരത്തിലേറുന്നതിന് മുമ്പ്, 2013 നവംബർ 23 നായിരുന്നു ട്വീറ്റ്.
‘നിങ്ങൾ വോട്ടുചെയ്യാൻ പോകുമ്പോൾ, വീട്ടിലെ ഗ്യാസ് സിലിണ്ടറിനെ നമസ്കരിക്കു..അതും അവർ തട്ടിപ്പറിച്ചെടുക്കുകയാണ്’ എന്നായിരുന്നു നരേന്ദ്ര മോദി ഇൻ എന്ന ട്വിറ്റർ ഹാൻഡിലിൽ ട്വീറ്റ് ചെയ്തത്.വിലവർധനക്കെതിരെ അദ്ദേഹം നടത്തിയ പ്രസംഗത്തിന്‍റെ സംക്ഷിപ്ത രൂപമായിരുന്നു ഇത്. പ്രസംഗത്തിന്‍റെ വിഡിയോയും പ്രചരിക്കുന്നുണ്ട്.
നരേന്ദ്ര മോദി സർക്കാർ ഭരണത്തിലെത്തിയ ശേഷം നിരവധി തവണയാണ് ഗാർഹിക പാചകവാതകത്തിന് വിലകൂട്ടിയത്. ഏറ്റവുമൊടുവിൽ മൂന്നുമാസത്തിനിടെ 225 രൂപ വർധിപ്പിച്ചു. സിലിണ്ടറിന് 826 രൂപയാണ് വില. 2019 ജൂണിൽ സബ്സിഡിയുള്ള എൽപിജി സിലിണ്ടറിന്റെ വില 497 രൂപയായിരുന്നു.
https://www.youtube.com/watch?v=RlS_IhCDsr4