Fri. Mar 29th, 2024
തിരുവനന്തപുരം:

 
കേരളത്തില്‍ ഇന്ന് 8764 പേര്‍ക്ക് കൊവിഡ്-19 സ്ഥിരീകരിച്ചുവെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. കൊവിഡ് മൂലം 21 പേരാണ് ഇന്നു മരിച്ചത്. 76 ആരോഗ്യപ്രവർത്തകർക്ക് ഇന്ന് രോഗം ബാധിച്ചിട്ടുണ്ട്.

എറണാകുളം 1122, മലപ്പുറം 1139, കോഴിക്കോട് 1113, തിരുവനന്തപുരം 777, കൊല്ലം 907, ആലപ്പുഴ 488, തൃശൂര്‍ 1010, കണ്ണൂര്‍ 370, പാലക്കാട് 606, കോട്ടയം 476, പത്തനംതിട്ട 244, കാസർകോട് 323, ഇടുക്കി 79, വയനാട് 110 എന്നിങ്ങനെയാണ് ജില്ലകളില്‍ ഇന്ന് രോഗബാധ സ്ഥിരീകരിച്ചത്.

8039 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. ഉറവിടം വ്യക്തമല്ലാത്ത 528 കൊവിഡ് കേസ്സുകൾ ഇന്നു റിപ്പോർട്ടു ചെയ്തു. ഇന്ന് രോഗം സ്ഥിരീകരിച്ചവരില്‍ 36 പേര്‍ വിദേശ രാജ്യങ്ങളില്‍ നിന്നും 85 പേര്‍ മറ്റ് സംസ്ഥാനങ്ങളില്‍ നിന്നും വന്നതാണ്.

2,07,357 പേർ ഇതുവരെ കൊവിഡിൽ നിന്നും മുക്തി നേടിയിട്ടുണ്ട്. കൊവിഡ് ബാധിച്ച് ചികിത്സയിലുണ്ടായിരുന്ന 7723 പേരുടെ പരിശോധനാഫലം നെഗറ്റീവ് ആയി.

സംസ്ഥാനത്തെ വിവിധ ജില്ലകളിലായി 2,82,000 പേർ ഇപ്പോൾ നിരീക്ഷണത്തിലുണ്ട്. സംസ്ഥാനത്ത് ആകെ 660 ഹോട്‌സ്പോട്ടുകളുണ്ട്.