മുംബൈ
കേരളത്തിന് പിന്നാലെ മഹാരാഷ്ട്രയിലും അമിത വെെദ്യുതി ചാര്‍ജില്‍ ഷോക്കടിച്ച് ഉപഭോക്താക്കള്‍. ലോക്ഡൗണിന് പിന്നാലെ വന്ന വെെദ്യുതി ബില്ലില്‍ പല ഉപഭോക്താകള്‍ക്കും വലിയ തുകയാണ് അടയ്ക്കേണ്ടത്. ഉയര്‍ന്ന ബില്ലിനെതിരെ ബോളിവുഡ് താരങ്ങളായ തപ്സി പന്നുവും രേണുക ഷാനെയും പ്രതിഷേധവുമായി രംഗത്തെത്തി. മേയില്‍ 3,850 രൂപയായിരുന്ന ബിൽ ജൂണിൽ 36,000 രൂപയായതായി തപ്സി പന്നു ട്വിറ്ററില്‍ കുറിച്ചു. മൂന്ന് മാസത്തെ ലോക്ഡൗണില്‍ ഏത് ഉപകരണമാണ് പുതിയതായി താന്‍ ഉപയോഗിച്ചതെന്നും , ഇത് തന്നെ അത്ഭുതപ്പെടുത്തുകയാണെന്നും തപ്സി പന്നു പറഞ്ഞു.
