ന്യൂഡല്ഹി:
രാജ്യത്തെ കൊവിഡ് രോഗമുക്തി നിരക്ക് 58 ശതമാനമായി ഉയര്ന്നതായി കേന്ദ്ര ആരോഗ്യമന്ത്രി ഡോ. ഹര്ഷവര്ധന് വ്യക്തമാക്കി. രോഗം ബാധിച്ച മൂന്നുലക്ഷത്തോളം പേര് ഇതുവരെ രോഗമുക്തി നേടിയതായാണ് റിപ്പോർട്ട്. രാജ്യത്തെ രോഗബാധിതരുടെ എണ്ണം ഇരട്ടിയാകാന് 19 ദിവസത്തോളമെടുക്കുന്നതായും അദ്ദേഹം പറഞ്ഞു. മരണനിരക്ക് മൂന്നുശതമാനമാണെന്നും മറ്റു രാജ്യങ്ങളെ അപേക്ഷിച്ച് ഇതു കുറവാണെന്നും മന്ത്രി ചൂണ്ടിക്കാട്ടി.