25 C
Kochi
Tuesday, July 27, 2021

Daily Archives: 15th June 2020

വാഷിംഗ്‌ടണ്‍:ലോകത്താകമാനമുള്ള കൊവിഡ് ബാധിതരുടെ എണ്ണം എണ്‍പത് ലക്ഷത്തി പത്തൊമ്പതിനായിരത്തി നൂറ്റി എഴുപതായി. അമേരിക്കയിലും ബ്രസീലിലും സ്ഥിതി അതീവ ഗുരുതരമാണ്. 24 മണിക്കൂറിനിടെ അമേരിക്കയിൽ 19,223 പേർക്ക് കൂടി രോഗം ബാധിച്ചു. 17,000ലധികം പേര്‍ക്കാണ് ഒറ്റ ദിവസം കൊണ്ട് ബ്രസീലില്‍ രോഗം സ്ഥിരീകരിച്ചത്. അതേസമയം, നാല് ലക്ഷത്തി മുപ്പത്തി ആറായിരത്തി നൂറ്റി നാല്‍പ്പത്തി അഞ്ച് പേരാണ് ലോകത്തിതുവരെ വെെറസ് ബാധിച്ച് മരിച്ചത്.
ന്യൂഡല്‍ഹി:ഇന്ത്യയിലെ മണ്‍സൂണിന്‍റെ പുരോഗതി ഈ ആഴ്ച മന്ദഗതിയിലായിരിക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇപ്പോള്‍ മണ്‍സൂണ്‍ അറബിക്കടലിന്‍റെ മധ്യഭാഗത്തേക്കും, വടക്ക് കിഴക്കന്‍ ഭാഗത്തേക്കും എത്തിയിട്ടുണ്ട്. മണ്‍സൂണിന്‍റെ വ്യാപനത്തിന് സഹായിക്കുന്ന ലോ പ്രഷര്‍ പ്രദേശങ്ങള്‍ ദുര്‍ബലമായതാണ്  മണ്‍സൂണ്‍ മന്ദഗതിയിലാകുവാന്‍ കാരണം. ഈ പ്രതിഭാസം ഒരാഴ്ചത്തേക്കാണ് പ്രതീക്ഷിക്കുന്നതെന്നും കാലാവസ്ഥ വകുപ്പ് അറിയിച്ചു.അതേസമയം, കേരളത്തില്‍  അടുത്ത ദിവസങ്ങളില്‍ശക്തമായ മഴയ്ക്ക് സാധ്യതയുണ്ടെന്ന്  കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. ആലപ്പുഴ, കോട്ടയം, എറണാകുളം,...
ചെന്നൈ: കൊവിഡ് വ്യാപനത്തിന്‍റെ പശ്ചാത്തലത്തില്‍ തമിഴ്നാട്ടിലെ ചെന്നൈ, ചെങ്കൽപ്പേട്ട്, കാഞ്ചീപുരം, തിരുവള്ളൂർ ജില്ലകളിൽ സമ്പൂർണ ലോക്ക്ഡൗൺ ഏർപ്പെടുത്തി. അതിതീവ്ര മേഖലകൾ അടച്ചിടണമെന്ന വിദഗ്ധ സമിതിയുടെ നിർദ്ദേശ പ്രകാരമാണ് നടപടി. ജൂൺ 19 മുതൽ 30 വരെയാണ് ലോക്ക്ഡൗൺ പ്രഖ്യാപിച്ചിരിക്കുന്നത്. റോയപുരം, കോടമ്പാക്കം, തേനംപേട്ട് ഉൾപ്പടെ ആറ് മേഖലകളിൽ നിയന്ത്രണം ശക്തമാക്കുന്നതായും അധികൃതർ അറിയിച്ചു. തമിഴ്നാട്ടിലെ ആകെയുള്ള കൊവിഡ് ബാധിതരിൽ 32,000 ത്തോളം പേർ ചെന്നൈയിൽ നിന്ന് മാത്രമാണ്. തമിഴ്നാട് സെക്രട്ടറിയേറ്റിൽ 56 ജീവനക്കാർക്കും കൊവിഡ് സ്ഥിരീകരിച്ചിരുന്നു.
തിരുവനന്തപുരം: തദ്ദേശ തെരഞ്ഞെടുപ്പില്‍ യുഡിഎഫിന് പുറത്തുള്ള സംഘടനകളുമായി സഹകരിക്കാനുള്ള തീരുമാനവുമായി ലീഗ്. കീഴ്ഘടകങ്ങള്‍ക്ക് ഇത് സംബന്ധിച്ച് സംസ്ഥാന കമ്മിറ്റി നിര്‍ദേശം നല്‍കി. യുഡിഎഫിന് വിജയ സാധ്യതയില്ലാത്ത സ്ഥലങ്ങളിൽ ജനകീയ മുന്നണി രൂപീകരിക്കണമെന്നും മുസ്‍ലിം ലീഗ് ഇറക്കിയ സര്‍ക്കുലറില്‍ പറയുന്നു. മൂന്ന് തവണ തദ്ദേശ സ്ഥാപനങ്ങളില്‍ അംഗങ്ങളായവര്‍ക്ക് സീറ്റ് നല്‍കില്ലെന്നും സര്‍ക്കുലറില്‍ വ്യക്തമാക്കുന്നു. 
ഡൽഹി: ഡൽഹിയിൽ കൊവിഡ് വ്യാപനം രൂക്ഷമാകുന്ന സാഹചര്യത്തിൽ ദിവസേനയുള്ള പരിശോധന നിരക്ക് 18,000 ആയി ഉയർത്താൻ തീരുമാനം. കൊവിഡ് ടെസ്റ്റ് നടത്താനുള്ള ചെലവ് പാതിയായി കുറയ്ക്കണമെന്ന ബിജെപിയുടെ ആവശ്യവും അംഗീകരിച്ചിട്ടുണ്ട്. കേന്ദ്ര ആഭ്യന്തര മന്ത്രി അമിത് ഷായുടെ നേതൃത്വത്തിൽ വിളിച്ചു ചേർത്ത യോഗത്തിലാണ് തീരുമാനമം. 450 രൂപ മാത്രം ചെലവ് വരുന്ന കൊവിഡ് ടെസ്റ്റ് ഡൽഹിയിൽ ഉടൻ ലഭ്യമാകുമെന്ന് ആം ആദ്മി പാർട്ടി നേതാവ് സഞ്ജയ് സിങ് അറിയിച്ചു.
ഡൽഹി:ഇന്ത്യ പാകിസ്ഥാന്‍റെയോ ചൈനയുടെയോ ഭൂമി ആഗ്രഹിക്കുന്നില്ലെന്നും ഇന്ത്യയ്ക്ക് വേണ്ടത് സമാധാനവും ശാന്തതയുമാണെന്നും കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്ഗരി പറഞ്ഞു. ജന്‍ സംവാദ് വെര്‍ച്വല്‍ റാലിയില്‍ ഗുജറാത്തിലെ അണികളെ അഭിസംബോധ ചെയ്ത് സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്. ചൈന-ഇന്ത്യ അതിർത്തി തർക്ക വിഷയം സൂചിപ്പിച്ചാണ് മന്ത്രിയുടെ പ്രസ്താവന. കൊവിഡ് പ്രതിസന്ധി കൂടുതല്‍ക്കാലം നിലനില്‍ക്കില്ലെന്നും കൊവിഡിനെതിരായ വാക്സിന്‍ ഉടന്‍ തന്നെ തയ്യാറാകുമെന്നും ഗഡ്ഗരി കൂട്ടിച്ചേർത്തു.
ഡൽഹി: കൊവിഡ് കൂടുതലായി വ്യാപിക്കുന്ന നാല് സംസ്ഥാനങ്ങളിലായി 204 ഐസൊലേഷന്‍ കോച്ചുകള്‍ അനുവദിച്ച് റെയില്‍വേ. ഉത്തര്‍പ്രദേശിൽ എഴുപത്, ഡല്‍ഹിയിൽ അമ്പത്തി നാല്, തെലങ്കാനയിൽ അറുപത്, ആന്ധ്രയിൽ ഇരുപത് എന്നിങ്ങനെയാണ് തയ്യാറാക്കിയിരിക്കുന്ന റെയിൽവേ കോച്ചുകളുടെ എണ്ണം. ഡല്‍ഹിയിലെ ആനന്ദ് വിഹാര്‍ റെയില്‍വേ സ്റ്റേഷന്‍ പൂര്‍ണമായും കൊവിഡ് പ്രതിരോധ പ്രവര്‍ത്തനത്തിനായി മാറ്റിയിരിക്കുകയാണ്. രോഗവ്യാപനം രൂക്ഷമാകുന്ന അഞ്ച് ജില്ലകളില്‍ അരലക്ഷം പരിശോധനകള്‍ ഉടന്‍ നടത്തുമെന്ന് തെലങ്കാന സര്‍ക്കാരും അറിയിച്ചിട്ടുണ്ട്.
ഡൽഹി : ഇന്ത്യൻ വിദേശകാര്യമന്ത്രി എസ് ജയശങ്കറും ചൈനീസ് വിദേശകാര്യമന്ത്രി യാംഗ് യിയുമായി ഈ മാസം 22ന് റഷ്യ-ഇന്ത്യ-ചൈന ത്രികക്ഷി സഖ്യ ചര്‍ച്ച നടക്കും. കിഴക്കന്‍ ലഡാക്കിലെ നിയന്ത്രണരേഖ ചൈന കടന്ന വിഷയമാണ് ചർച്ചയിൽ മുന്നോട്ട് വെയ്ക്കുക. ലഡാക്ക് നിയന്ത്രണരേഖയിലെ നാല് മേഖലകളിലും വടക്കന്‍ സിക്കിമിലെ ഒരു മേഖലയിലും വിന്യസിച്ചിരിക്കുന്ന ഇരുരാജ്യങ്ങളുടെയും സേനാവിഭാഗത്തെ പിൻവലിക്കാനും ചർച്ചയിൽ ആവശ്യപ്പെട്ടേക്കുമെന്നാണ് സൂചന.