ന്യൂഡൽഹി:
മലയാളി അത്ലറ്റ് മുഹമ്മദ് അനസിന് അർജുന പുരസ്കാരം. അനസുൾപ്പെടെ രാജ്യത്തെ 19 കായിക താരങ്ങള്‍ക്കാണ് അര്‍ജുന അവാര്‍ഡ് പ്രഖ്യാപിച്ചത്. ഏഷ്യൻ ഗെയിംസിലെ വെള്ളിമെഡൽ ജേതാവാണ് മുഹമ്മദ് അനസ്. ജക്കാര്‍ത്ത ഏഷ്യന്‍ ഗെയിംസില്‍ 400 മീറ്റര്‍ ഓട്ടത്തില്‍ വെളളിയടക്കം മൂന്ന് മെഡലുകളാണ് താരം നേടിയത്. 400 മീറ്ററിലെ ദേശിയ റെക്കോര്‍ഡും നിലവില്‍ അനസിന്റെ പേരിലാനുള്ളത്. ഏഷ്യൻ ഗെയിംസിൽ വ്യക്തിഗത ഇനത്തിന് പുറമേ റിലേയിലും മിക്സഡ് റിലേയിലുമാണ് അനസ് മെഡൽ സ്വന്തമാക്കിയത്. 400 മീറ്ററില്‍ ഒളിംപിക്‌സിന് യോഗ്യത നേടിയ മൂന്നാമത്തെ ഇന്ത്യന്‍ പുരുഷ താരമാണ് അനസ്. പുരസ്കാരം പ്രളയബാധിതർക്കായി സമർപ്പിക്കുന്നുവെന്ന് അനസ് പറഞ്ഞു.