ദേ​ശീ​യ​പാ​ത​യി​ൽ ഭീ​ഷ​ണിയായി ല​ക്കി​ടി വ​ള​വി​ലെ മ​ണ്ണ്

വൈ​ത്തി​രി:

ദേ​ശീ​യ​പാ​ത​യി​ൽ ല​ക്കി​ടി വ​ള​വി​ൽ ഇ​ടി​ഞ്ഞു​വീ​ണ മ​ണ്ണ് നീ​ക്കാ​ത്ത​ത് ഭീ​ഷ​ണി​യാ​കു​ന്നു. ഉ​യ​ര​ത്തി​ൽ നി​ന്നു ക​ല്ലും മ​ണ്ണും താ​ഴെ റോ​ഡി​ലേ​ക്ക് പ​തി​ച്ചു കൂ​മ്പാ​ര​മാ​യ​ത് വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും ഒ​രു​പോ​ലെ പ്ര​യാ​സ​മാ​കു​ക​യാ​ണ്. ക​ല്ലും മ​ണ്ണും ഇ​ടി​ഞ്ഞു​വീ​ണ​തി​നെ തു​ട​ർ​ന്ന് റോ​ഡി​നു ന​ടു​വി​ലൂ​ടെ വീ​പ്പ​ക്കു​റ്റി​ക​ൾ നി​ര​ത്തി​വെ​ച്ച​തി​നാ​ൽ​ വ​ള​വി​ൽ അ​പ​ക​ട​സാ​ധ്യ​ത​യും കൂ​ടു​ത​ലാ​ണ്.

2018ലെ ​പ്ര​ള​യ​ത്തി​ൽ ഉ​യ​ര​ത്തി​ൽ​നി​ന്ന്​ വ​ൻ​തോ​തി​ൽ ക​ല്ലും മ​ണ്ണും റോ​ഡി​ലേ​ക്കു പ​തി​ച്ചി​രു​ന്നു. റോ​ഡ് ന​വീ​ക​ര​ണ​ത്തി​ൻറെ ഭാ​ഗ​മാ​യി ഇ​വി​ട​ത്തെ മ​ണ്ണ് മാ​റ്റി ഭി​ത്തി നി​ർ​മി​ക്കാ​നു​ള്ള ശ്ര​മ​ത്തി​നി​ടെ വീ​ണ്ടും മ​ണ്ണ് ഇ​ടി​യു​ക​യാ​യി​രു​ന്നു. അ​ടു​ത്തി​ടെ പെ​യ്ത മ​ഴ​യി​ലും ഇ​വി​ടെ മ​ണ്ണി​ടി​ഞ്ഞി​രു​ന്നു.

ഇ​തി​നി​ടെ റോ​ഡി​ലേ​ക്ക് വീ​ണ മ​ണ്ണെ​ടു​ക്കാ​നെ​ന്ന വ്യാ​ജേ​ന ചി​ല സ്വ​കാ​ര്യ വ്യ​ക്തി​ക​ൾ ദേ​ശീ​യ പാ​ത അ​ധി​കൃ​ത​രു​ടെ അ​നു​മ​തി​യി​ല്ലാ​തെ മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച്​ ഉ​യ​ര​ത്തി​ൽ​നി​ന്ന്​ അ​പ​ക​ട​ക​ര​മാം​വി​ധം മ​ണ്ണ് വി​ൽ​പ​ന​ക്കാ​യി നീ​ക്കം​ചെ​യ്ത​ത് കൂ​ടു​ത​ൽ ഭീ​ഷ​ണി​യാ​യി. മ​ണ്ണ് സ്വ​കാ​ര്യ വ്യ​ക്തി​യു​ടെ സ്ഥ​ല​ത്തു പ​ണം വാ​ങ്ങി കൊ​ണ്ടു​പോ​യി ഇ​ടു​ന്നു എ​ന്ന ആ​രോ​പ​ണ​വു​മാ​യി വാ​ർ​ഡ് മെം​ബ​റ​ട​ക്കം രം​ഗ​ത്തു​വ​രു​ക​യും പ​ണി ത​ട​സ്സ​പ്പെ​ടു​ത്തു​ക​യും ചെ​യ്തു.

തു​ട​ർ​ന്ന് പ്ര​വൃ​ത്തി താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചു. എ​ന്നാ​ൽ, മ​ഴ​യി​ൽ റോ​ഡി​ലേ​ക്ക് മ​ണ്ണും വ​ലി​യ ക​ല്ലു​ക​ളും പ​തി​ക്കാ​ൻ തു​ട​ങ്ങി​യ​തോ​ടെ റോ​ഡി​ൽ ടാ​ർ​വീ​പ്പ​ക​ൾ നി​ര​ത്തി​വെ​ച്ച നി​ല​യി​ലാ​ണ്. അ​തേ​സ​മ​യം, റോ​ഡി​ൻറെ ഇ​ടി​ഞ്ഞ വ​ശ​ത്ത് സു​ര​ക്ഷ​ഭി​ത്തി നി​ർ​മി​ക്കാ​നു​ള്ള പ്ര​വൃ​ത്തി ഉ​ട​ൻ ആ​രം​ഭി​ക്കു​മെ​ന്ന് ദേ​ശീ​യ​പാ​ത എ​ൻ​ജി​നീ​യ​ർ പ​റ​ഞ്ഞു. ഇ​വി​ടെ നി​ന്നു നീ​ക്കം​ചെ​യ്യു​ന്ന മ​ണ്ണ് മാ​റ്റി​യി​ടു​ന്ന​തി​നു​ള്ള സൗ​ക​ര്യം ല​ഭ്യ​മ​ല്ലാ​ത്ത​തി​നാ​ലാ​ണ് പ്ര​വൃ​ത്തി വൈ​കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.