തിരുവനന്തപുരം:
സംസ്ഥാനത്ത് ഇന്നു മുതല്‍ മദ്യം പാഴ്സല്‍ വില്‍പന പുനരാരംഭിക്കും. ബവ് ക്യു ടോക്കണില്ലാതെ ഔട്ട്ലറ്റുകളില്‍ നിന്നും ബാറുകളില്‍ നിന്നും മദ്യം പാഴ്സലായി വാങ്ങാം. രോഗസ്ഥിരീകരണ നിരക്ക് 20 ശതമാനത്തില്‍ താഴെയുള്ള പ്രദേശങ്ങളിലായിരിക്കും മദ്യം പാഴ്സലായി ലഭിക്കുക.
എന്നാല്‍ ക്ലബുകളില്‍ മദ്യവിതരണം ഉണ്ടാകില്ല. ഔട്ട്ലറ്റുകളിലെ അതേ വിലയിലായിരിക്കും ബാറുകളില്‍ നിന്നും ബിയര്‍ വൈന്‍ പാര്‍ലറുകളില്‍ നിന്നും മദ്യവും ബിയറും വൈനും ലഭിക്കുക. സാമൂഹിക അകലം പാലിച്ചാകും മദ്യവിതരണം. ലംഘിക്കുന്നവര്‍ക്കെതിരെ കേസെടുക്കാനാണ് നീക്കം.