കുവൈത്ത് സിറ്റി:
ജോൺസൺ ആൻഡ് ജോൺസൺ കൊവിഡ് പ്രതിരോധ വാക്സിന് കുവൈത്ത് ആരോഗ്യ മന്ത്രാലയം അടിയന്തര ഉപയോഗ അനുമതി നൽകി. വാക്സിനുകളുടെ സുരക്ഷ, ഫലപ്രാപ്തി, ഗുണനിലവാരം എന്നിവയെക്കുറിച്ച് സമഗ്രമായി വിലയിരുത്തിയ ശേഷമാണ് അംഗീകാരം നൽകിയതെന്ന് ഡ്രഗ് ആൻഡ് കൺട്രോൾ അസിസ്റ്റൻറ് അണ്ടർ സെക്രട്ടറി ഡോ അബ്ദുല്ല അൽ ബദർ അറിയിച്ചു.
വാക്സിൻ ക്ലിനിക്കൽ പരീക്ഷണങ്ങളുടെ ഫലങ്ങൾ മന്ത്രാലയ സാങ്കേതിക സമിതി അവലോകനം ചെയ്തതായും അദ്ദേഹം വ്യക്തമാക്കി. കുവൈത്ത് യു എസ് ഫാർമസ്യൂട്ടിക്കൽ കമ്പനികളായ മോഡേണ, ജോൺസൺ ആൻഡ് ജോൺസൺ എന്നിവരുമായി കൊറോണ വാക്സിൻ വാങ്ങുന്നതിനുള്ള കരാറിൽ ഒപ്പുവെച്ചിരുന്നു.