വാക്​സിനെടുത്താൽ തക്കാളി സമ്മാനം

ബിജാപുർ:

രാജ്യത്ത് കൊവിഡ് രണ്ടാം തരംഗം അതി രൂക്ഷമാവുകയാണ്. ഈ സാഹചര്യത്തിൽ കേന്ദ്ര സർക്കാരും സംസ്ഥാന സർക്കാരുകളും ആരോഗ്യ വകുപ്പും ആവർത്തിച്ച് പറയുന്നത് വാക്സിൻ എടുക്കാനനാണ്. ചിലയിടങ്ങൾ വാക്​സിൻ സ്വീകരിക്കാൻ ആളുകൾ തടിച്ചുകൂടുകയാണെങ്കിൽ മറ്റിടങ്ങളിൽ വാക്സിൻ എടുക്കാൻ ആളുകൾ വിസമ്മതിക്കുന്ന അവസ്ഥയുണ്ട്.

വാക്​സിനേഷൻ പ്രോത്സാഹിപ്പിക്കുന്നതിന്​ ഛത്തീസ്​ഗഡിലെ ബിജാപുർ മുനിസിപ്പൽ കോർപറേഷൻ വാക്​സിനെടുക്കുന്നവർക്ക്​ സമ്മാനമായി നൽകുന്നത് തക്കാളിയാണ്. വാക്​സിൻ സ്വീകരിക്കാൻ ആളുകൾ മടി കാണിക്കുന്നതാണ്​ ഇത്തരമൊരു നടപടിക്ക് കാരണമെന്ന് അധികൃതർ പറയുന്നു.

തക്കാളി മൊത്തക്കച്ചവടക്കാരുമായി ധാരണയിലെത്തിയതിന്​ ​ശേഷമാണ്​ ഈ തീരുമാനം. ബിജാപുർ മുനിസിപ്പൽ പ്രദേശത്ത്​ വാക്​സിനെടുത്തവർക്ക്​ പാരിതോഷികമായി തക്കാളി നൽകിയതിന്‍റെ ചിത്രങ്ങൾ വൻതോതിൽ സമൂഹമാധ്യമങ്ങളിൽ പ്രചരിച്ചു.

https://www.youtube.com/watch?v=_FAlMsU2sBg