Reading Time: < 1 minute
തൃപ്പൂണിത്തുറ:

യു പിയിൽ ട്രെ​യി​ൻ യാ​ത്ര​ക്കിടെ മലയാളി അടക്കമുള്ള കന്യാസ്ത്രീകളെ അധിക്ഷേപിച്ചവർക്കെതിരെ കർശന നടപടി സ്വീകരിക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. കുറ്റക്കാരെ നിയമത്തിന് മുമ്പിൽ കൊണ്ടുവരുമെന്നും അമിത് ഷാ വ്യക്തമാക്കി. എൻഡിഎ സ്ഥാനാർത്ഥികൾക്ക് വേണ്ടി സംഘടിപ്പിച്ച തിരഞ്ഞെടുപ്പ് പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.

കഴിഞ്ഞ 19നാ​ണ് ഡ​ൽ​ഹി നി​സാ​മു​ദ്ദീ​ൻ ​റെ​യി​ൽ​വേ സ്​​റ്റേ​ഷ​നി​ൽ​നി​ന്ന്​ ഒ​ഡി​ഷ​യി​ലെ റൂ​ർ​ക്ക​ല​യി​ലേ​ക്കു​ള്ള യാ​ത്ര​ക്കിടെയാണ്​ തി​രു​ഹൃ​ദ​യ സ​ന്യാ​സി​നീ സ​മൂ​ഹ​ത്തി​ൻറെ ഡ​ൽ​ഹി പ്രോ​വി​ൻ​സി​ലെ നാ​ല് സ​ന്യാ​സി​നി​മാ​ർ​ കൈയേറ്റത്തിനിരയായത്​. ഉ​ത്ത​ർ​പ്ര​ദേ​ശി​ലെ ഝാ​ൻ​സി​യി​ൽ വെച്ചായിരുന്നു ദു​ര​നു​ഭ​വം.

ഒ​രു മ​ല​യാ​ളി​യ​ട​ക്കം നാ​ലു​ ക​ന്യാ​സ്​​ത്രീ​ക​ളെ പി​ന്തു​ട​ർ​ന്ന്​ ബ​ജ്റം​ഗ്​​ദ​ളു​കാ​ർ അ​തി​ക്ര​മം കാ​ട്ടി​യ​ത്. ഇവരിൽനി​ന്ന്​ ര​ക്ഷ​പ്പെ​ടാ​ൻ ക​ന്യാ​സ്​​ത്രീ​ക​ൾ​ക്ക്​ സ​ഭാ​വ​സ്​​ത്രം മാ​റേണ്ടി വ​ന്നു. തീ​ർ​ഥ​യാ​ത്ര ക​ഴി​ഞ്ഞ്​ മ​ട​ങ്ങു​ക​യാ​യി​രു​ന്ന ബ​ജ്‌​റം​ഗ്ദ​ളുകാർ അ​കാ​ര​ണ​മാ​യി അ​വ​ർ​ക്കു​ നേ​രെ പ്ര​ശ്ന​മു​ണ്ടാ​ക്കു​ക​യാ​യി​രു​ന്നു. സ​ന്യാ​സാ​ർ​ഥി​നി​മാ​രാ​യ ര​ണ്ടു​പേ​രെ മ​തം മാ​റ്റാ​ൻ കൊ​ണ്ടു ​പോ​യ​താ​ണ് എ​ന്നാ​യി​രു​ന്നു അ​വ​രു​ടെ പ്ര​ധാ​ന ആ​രോ​പ​ണം. ത​ങ്ങ​ൾ ജ​ന്മ​നാ ക്രൈ​സ്ത​വ​രാ​ണ് എ​ന്ന അ​വ​രു​ടെ വാ​ക്കു​ക​ൾ ബ​ജ്‌​റം​ഗ്ദ​ളു​കാ​ർ മു​ഖ​വി​ല​യ്‌​ക്കെ​ടു​ത്തി​ല്ല.

Advertisement