തിരുവനന്തപുരം:
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍റെ ഭാര്യ വിനോദിനിക്ക് വീണ്ടും കസ്റ്റംസ് നോട്ടീസ്. ചോദ്യം ചെയ്യലിന് ഹാജരാവാൻ ആവശ്യപ്പെട്ടാണ് നോട്ടീസ്. ഐഫോൺ വിവാദവുമായി ബന്ധപ്പെട്ടാണ് നടപടി.
മാർച്ച് 23ന് കൊച്ചിയിലെ കസ്റ്റംസ് ഓഫീസിൽ ഹാജരാവണമെന്നാണ് നോട്ടീസിൽ ആവശ്യപ്പെടുന്നത്. തിരുവനന്തപുരത്തെ എകെജി ഫ്ലാറ്റിന്‍റെ വിലാസത്തിലാണ് നോട്ടീസ് നൽകിയത്. വിനോദിനി നേരത്തെ ചോദ്യം ചെയ്യലിന് ഹാജരായിരുന്നില്ല.
ലൈഫ് മിഷൻ ഇടപാടിലെ കോഴയായി യുണിടാക് സിഇഒ സന്തോഷ് ഈപ്പൻ ഐഫോണുകൾ കൈക്കൂലി നൽകിയതായി കണ്ടെത്തിയിരുന്നു. ഇതിലൊന്ന് വിനോദിനി ബാലകൃഷ്ണന് നൽകിയെന്നാണ് കസ്റ്റംസ് ആരോപണം.