ആഗ്ര:
ചരിത്ര സ്മാരകമായ താജ്മഹൽ സമുച്ചയത്തിനുള്ളിൽ വെച്ച് പ്രാർത്ഥന നടത്തിയ മൂന്ന് ഹിന്ദു മഹാസഭ പ്രവർത്തകരെ അറസ്റ്റ് ചെയ്തു. താജ്മഹൽ കോമ്പൗണ്ടിനുള്ളിൽ പ്രവേശിച്ച് ശിവ പ്രതിഷ്ഠയിൽ പ്രാർത്ഥന നടത്തിയതിനാണ് ഒരു സ്ത്രീയടക്കം മൂന്ന് പേരെ അറസ്റ്റ് ചെയ്തത്. സ്മാരക സംരക്ഷണത്തിനായി വിന്യസിച്ച സിഐഎസ്എഫ് ജവാൻമാരാണ് മൂവരെയും പിടികൂടി പൊലീസിലേൽപ്പിച്ചത്.
അവർക്കെതിരെ കേസെടുത്തിട്ടുണ്ടെന്നും താജ്ഗഞ്ച് പൊലീസ് സ്റ്റേഷനിലെ ഇൻസ്പെക്ടർ ഉമേഷ് ചന്ദ്ര ത്രിപാഠി പറഞ്ഞു. സമുച്ചയത്തിലെ സെൻട്രൽ ടാങ്കിന് സമീപമുള്ള ബെഞ്ചിലിരുന്ന് ഹിന്ദു മഹാസഭയുടെ പ്രവിശ്യാ പ്രസിഡന്‍റ് മീന ദിവാകർ മറ്റ് രണ്ട് പേരോടൊപ്പം പ്രാർത്ഥിക്കാൻ തുടങ്ങുകയായിരുന്നു