രോഗികളെ ചൂഷണം ചെയ്ത് ആശുപത്രി- ആംബുലൻസ് ഡ്രൈവർ ഒത്തുകളി

കൊച്ചി:

സ്വകാര്യ ആംബുലൻസ്​ ഡ്രൈവർമാരും ചില സ്വകാര്യ ആശുപത്രികളും തമ്മിലുള്ള ഇടപാടിന്റെ ഭാഗമായി രോഗികൾ ചൂഷണം ചെയ്യപ്പെടുന്നതായി പരാതി. സ്വകാര്യ ആശുപത്രി ഡോക്​ടർമാരിൽനിന്നുതന്നെ ലഭിച്ച വിവരത്തി​ന്റെ അടിസ്ഥാനത്തിൽ എത്തിക്കൽ മെഡിക്കൽ ഫോറം നടത്തിയ അന്വേഷണത്തിലാണ്​ വൻ കൊള്ള നടക്കുന്നതായി വ്യക്​തമായത്​. 

അത്യാഹിതങ്ങളുണ്ടായാൽ ആംബുലൻസുകളെ ആശ്രയിക്കുന്ന രോഗികളെ തെറ്റിദ്ധരിപ്പിച്ച്​ ആംബുലൻസ്​ ഡ്രൈവർമാർ പ്രത്യേക ആശുപത്രികളിൽ എത്തിക്കുന്നതായാണ്​ ആക്ഷേപം. ചില ഡ്രൈവർമാർ ഇതിന്​ വൻ തുകയാണത്രെ കമ്മീഷൻ കൈപ്പറ്റുന്നത്​. നേരത്തേ അഞ്ഞൂറും ആയിരവും കമീഷൻ നൽകിയ സ്​ഥാനത്ത്​ ഇപ്പോൾ 4000 രൂപവരെ എത്തിയതായാണ് കണ്ടെത്തൽ.

മേജർ ശസ്​ത്രക്രിയ വേണ്ടിവന്നാൽ ബില്ലിന്റെ നിശ്ചിത ശതമാനം ഡ്രൈവർമാർക്ക്​ നൽകുന്ന ആശുപത്രികളുമുണ്ടെന്നും ഫോറം നടത്തിയ അന്വേഷണത്തിൽ ബോധ്യപ്പെട്ടു. പൊതുസമൂഹത്തിൽ ഇത് സംബന്ധിച്ച് ബോധവത്​കരണം നടത്താൻ സംഘടന കാമ്പയിൻ ആരംഭിച്ചതായി ഫോറം പ്രസിഡൻറ്​ ഡോ. ഇസ്​മായിൽ പറഞ്ഞു. 

https://www.youtube.com/watch?v=PTAFLaT23G0