Fri. Mar 29th, 2024
പാരിസ്​:

ഫ്രഞ്ച് കോടീശ്വരനും പാർലമെന്‍റംഗവുമായ ഒലിവർ ഡസ്സോ (69) ഹെലികോപ്ടർ അപകടത്തിൽ മരിച്ചു. വടക്കൻ ഫ്രാൻസിലെ നോർമാണ്ടി കാലഡോസിൽ ഞായറാഴ്ചയായിരുന്നു അപകടം. റഫേൽ യുദ്ധവിമാനമടക്കം നിർമിക്കുന്ന ഫ്രഞ്ച് വിമാന നിർമ്മാണ കമ്പനിയായ ഡസോ ഏവിയേഷന്‍റെ ഉടമകളിലൊരാളാണ്​.

ഡസോ ഏവിയേഷൻ സ്ഥാപകനായ മാഴ്​സെൽ ഡസോയുടെ ചെറുമകനും സെർജ് ഡസോയുടെ മകനുമായിരുന്നു ഒലിവർ. കുടുംബത്തിന്‍റെ ഉടമസ്​ഥതയിലുള്ള ഡസോ ഗ്രൂപ്പിന്‍റെ സ്​ട്രാറ്റജി, ഡവലപ്​മെന്‍റ്​ പ്രസിഡൻറായിരുന്നു അദ്ദേഹം.
ഒലിവറിന്‍റെ വിയോഗത്തിൽ ഫ്രഞ്ച്​ പ്രസിഡന്‍റ്​ ഇമ്മാനുവൽ മാക്രോൺ ആദരാഞ്​ജലി അർപ്പിച്ചു.

“ഒലിവർ ഫ്രാൻസിനെ സ്നേഹിച്ചു. വ്യവസായ സംരംഭകൻ, ക്യാപ്റ്റൻ, നിയമ നിർമ്മാതാവ്, വ്യോമസേന റിസർവ് കമാൻഡർ തുടങ്ങിയ മേഖലകളിൽ വിലമതിക്കാനാകാത്ത സേവനമാണ്​ അ​​ദ്ദേഹം കാഴ്ചവെച്ചത്​. അദ്ദേഹത്തിന്‍റെ പെട്ടെന്നുള്ള വിയോഗം തീരാനഷ്ടമാണ്. കുടുംബത്തിന്‍റെയും പ്രിയപ്പെട്ടവരുടെയും ദുഃഖത്തിൽ പങ്കുചേരുന്നു” -മാക്രോൺ ട്വീറ്റ്​ ചെയ്​തു.

By Divya