തിരുവനന്തപുരം:
സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ഡിസംബര്‍ 8, 10, 14 തിയതികളിൽ നടക്കുമെന്ന് സംസ്ഥാന തിരഞ്ഞെടുപ്പ് കമ്മീഷന്‍ അറിയിച്ചു .മൂന്ന് ഘട്ടങ്ങളിലായാണ് ഇത്തവണ തിരഞ്ഞെടുപ്പ്. ഡിസംബര്‍ 16 ന് വോട്ടണ്ണെല്‍ നടക്കും.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ആദ്യഘട്ടം. ഡിസംബർ 10 വ്യാഴാഴ്ച നടക്കുന്ന രണ്ടാം ഘട്ടത്തിൽ കോട്ടയം, എറണാകുളം, തൃശൂർ, വയനാട് ജില്ലകളിലാണ് വോട്ടെടുപ്പ്. ഡിസംബർ 14 തിങ്കളാഴ്ച നടക്കുന്ന മൂന്നാംഘട്ടത്തിൽ മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും വോട്ടെടുപ്പ് നടക്കും.
വോട്ടിങ് മെഷീനുകളുടെ പരിശോധന ഏതാണ്ട് പൂർത്തിയായി. കോവിഡ്മാനദണ്ഡങ്ങൾ പാലിച്ചായിരിക്കും വോട്ടെടുപ്പ്. കോവിഡ് ബാധിതർക്കും ക്വാറൻറീനിലുള്ളവർക്കും പോസ്റ്റൽ വോട്ട് അനുവദിക്കും. ഇതിന് മൂന്ന് ദിവസം മുമ്പ് അപേക്ഷിക്കണം.