Screen-grab, Copyrights: AmarUjala
Reading Time: < 1 minute
ന്യൂഡൽഹി:

 
ഹാഥ്‌രസ് കൂട്ടമാനഭംഗവും മരണവും അന്വേഷിക്കാൻ ഉത്തർപ്രദേശ് മുഖ്യമന്ത്രി ആദിത്യനാഥ് മൂന്നംഗ പാനൽ രൂപീകരിച്ചു. അന്വേഷിച്ച് റിപ്പോർട്ട് സമർപ്പിക്കാൻ അവരോട് ആവശ്യപ്പെട്ടിട്ടുണ്ട്.

അന്വേഷണ പാനൽ യുപി ആഭ്യന്തര സെക്രട്ടറി ഭഗവാൻ സ്വരൂപ് നിയന്ത്രിക്കും. പാനലിൽ ദലിത് സമുദായത്തിലെ അംഗങ്ങളെയും വനിത അംഗങ്ങളെയും ഉൾപ്പെടുത്തും.

ബലാത്സംഗത്തിനിരയായ പത്തൊമ്പതുകാരിയുടെ മരണത്തിൽ ഉത്തർപ്രദേശ് സർക്കാരും പോലീസും കടുത്ത വിമർശനത്തിന് ഇരയായതിനെത്തുടർന്നാണ് ഇത്. ഗ്രാമത്തിൽ കടുത്ത ക്രൂരതയ്ക്ക് വിധേയയായി ഗുരുതരമായ പരിക്കേറ്റ് ആഴ്ചകളോളം ജീവിതവുമായി പൊരുതിയ യുവതി ദില്ലിയിലെ ആശുപത്രിയിൽ ഇന്നലെയാണ് മരിച്ചത്.

ആദിത്യനാഥിന് മുഖ്യമന്ത്രിയായി തുടരാൻ യാതൊരു ധാർമ്മിക അവകാശവുമില്ലെന്നും രാജിവയ്ക്കണമെന്നും കോൺഗ്രസ് നേതാവ് പ്രിയങ്ക ഗാന്ധി ആവശ്യപ്പെട്ടു.

Advertisement