വനിത പ്രസിദ്ധീകരിച്ച ഫീച്ചറിനെതിരെ നടന്‍ റോഷന്‍ മാത്യുവും നടി ദര്‍ശന രാജേന്ദ്രനും. വനിത മാസിക പ്രസിദ്ധീകരിച്ച അഭിമുഖത്തിലെ വസ്തുതാവിരുദ്ധവും പൈങ്കിളി പ്രയോഗങ്ങളും ചൂണ്ടിക്കാട്ടിയാണ് ഇരുവരും സോഷ്യല്‍ മീഡിയയിലൂടെ രംഗത്തുവന്നത്. ‘വനിതയില്‍ വന്ന നാടകീയ അഭിമുഖത്തിന് വസ്തുതാപരമായ ഞങ്ങളുടെ തിരുത്തലുകള്‍’; എന്ന തലക്കെട്ടോടെയാണ്‌ തങ്ങളുടെ വിയോജിപ്പുകൾ താരങ്ങൾ അക്കമിട്ട് തുറന്ന് എഴുതിയിരിക്കുന്നത്.
റോഷനും ദര്‍ശനയും പറയാത്ത പല കാര്യങ്ങളും അവര്‍ പറഞ്ഞതായി അഭിമുഖത്തിലുണ്ടെന്നാണ് റോഷന്‍ ചൂണ്ടിക്കാണിക്കുന്നത്. ‘ബെസ്റ്റെസ്റ്റ് ഫ്രെന്റ്’ എന്നും മറ്റുമുള്ള പൈങ്കിളി പ്രയോഗങ്ങളും ഈ ഫീച്ചറില്‍ പ്രയോഗിച്ചിരിക്കുന്ന ഭാഷയും ഞങ്ങളുടെ സംസാരശൈലി അല്ല. അങ്ങനെ തോന്നുന്ന വിധം ഫീച്ചര്‍ തയ്യാറാക്കിയതില്‍ നല്ല ദേഷ്യം ഉണ്ട്’,റോഷന്‍ ഫേസ്ബുക്കില്‍ കുറിക്കുന്നു.’കള്ളങ്ങൾ കച്ചവടത്തിന് വെക്കാതിരുന്നൂടെ’ എന്ന് പറഞ്ഞ് കൊണ്ടാണ് കുറിപ്പ് അവസാനിക്കുന്നത്.
https://www.facebook.com/mathewroshan22/posts/1048200615599494
https://www.facebook.com/darshanarajendran/posts/10158805800395126
തങ്ങള്‍ ഇരുവരും പറയാത്ത പലകാര്യങ്ങളും പറഞ്ഞവെന്ന തരത്തില്‍ അഭിമുഖത്തിലുണ്ടെന്നും കുറിപ്പില്‍ പറയുന്നു. റോഷനും ദര്‍ശനയും കുറിപ്പ് പ്രസിദ്ധീകരിച്ചതോടെ നടിമാരായ കനി കുസൃതി, ദിവ്യ പ്രഭ, ഗായിക സിത്താര കൃഷ്ണകുമാര്‍, നടന്‍ വിനയ് ഫോര്‍ട്ട് എന്നിവര്‍ പിന്തുണയുമായി രംഗത്തുവന്നു.