മുംബൈ:
ബോളിവുഡ് നടി റിയ ചക്രവർത്തിയെ നാർക്കോട്ടിക് കൺട്രോൾ ബ്യൂറോ വിഭാഗം ചോദ്യം ചെയ്യുന്നു. റിയ മയക്കുമരുന്ന് വാങ്ങുകയും വിൽക്കുകയും ചെയ്തിരുന്നതായും എൻസിബി കണ്ടെത്തിയിരുന്നു. ഇതിനു പിന്നാലെയാണ് മുംബൈയിലെ ഓഫീസിലേക്ക് വിളിച്ചു വരുത്തി ചോദ്യം ചെയ്യുന്നത്.
ചോദ്യം ചെയ്യലിനു ശേഷം ഇവരുടെ അറസ്റ്റ് രേഖപ്പെടുത്തിയേക്കുമെന്നാണ് വിവരം. റിയയുടെ സഹോദരൻ ഷോവിക്, സുശാന്തിന്‍റെ മാനേജർ സാമുവേൽ മിരാൻഡ എന്നിവരേയും ചോദ്യം ചെയ്യുന്നുണ്ട്. അതേസമയം, അറസ്റ്റിന് തയാറാണെന്നും, സ്നേഹത്തിന്‍റെ പേരിൽ താൻ വേട്ടയാടപ്പെടുകയാണെന്നും റിയ പറഞ്ഞു.
നടിയുടെ വാട്സ്ആപ്പ് ചാറ്റുകൾ പരിശോധിച്ചതിൽനിന്നാണ് എൻസിബിക്ക് മയക്കുമരുന്ന് ബന്ധങ്ങൾ വ്യക്തമായത്. ബോളിവുഡ് നടൻ സുശാന്ത് സിംഗിന്‍റെ മരണവുമായി ബന്ധപ്പെട്ടാണ് റിയ ചക്രവർ‌ത്തിക്കെതിരായ അന്വേഷണം ആരംഭിച്ചത്. റിയയുടെ വീട്ടിൽ കഴിഞ്ഞ ദിവസം എൻസിബി റെയ്ഡ് നടത്തിയിരുന്നു.