ന്യൂഡല്‍ഹി:
താൻ കൊവിഡ് പോസിറ്റിവായെന്ന തരത്തിൽ സോഷ്യൽ മീഡിയയിൽ പ്രചരിക്കുന്ന വാർത്തകൾ വാസ്തവരഹിതമാണെന്ന് വെസ്റ്റിൻഡീസ് ബാറ്റിങ് ഇതിഹാസം ബ്രയാൻ ലാറ. താൻ കൊവിഡ് പരിശോധന നടത്തിയിട്ടുണ്ടെന്നും എന്നാൽ ഫലം നെഗറ്റിവായിരുന്നെന്നും ലാറ വ്യക്തമാക്കി. തെറ്റായ ഈ വാർത്ത തനിക്ക് ദോഷമൊന്നും വരുത്തിയില്ലെങ്കിലും തന്റെ അടുത്ത ആളുകളിൽ പരിഭ്രാന്തിയുണ്ടാക്കിയെന്നും ആയതിനാൽ ഇത് ആവർത്തിക്കരുതെന്നും ലാറ ട്വിറ്ററിൽ കുറിച്ചു.