കൊച്ചി:
തിരുവനന്തപുരം സ്വര്‍ണ്ണക്കടത്ത് കേസില്‍ ഭീകരവാദബന്ധം അന്വേഷിക്കുന്ന എന്‍ഐഎ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെ വീണ്ടും ചേദ്യം ചെയ്യും. കൊച്ചിയിലെ ഓഫീസിൽ തിങ്കളാഴ്ച ഹാജരാകാന്‍ ശിവശങ്കറിനോട് എൻഐഎ നിര്‍ദേശം നല്‍കി.
ഇന്നലെ അദ്ദേഹത്തെ എന്‍ഐഎ 5 മണിക്കൂര്‍ ചോദ്യം ചെയ്തതിന് ശേഷം വിട്ടയച്ചിരുന്നു. തിരുവനന്തപുരം പൊലീസ് ക്ലബ്ബിലേക്ക് വിളിച്ച്‌ വരുത്തിയായിരുന്നു ചോദ്യം ചെയ്യല്‍. പ്രതികളുമായി സൗഹൃദബന്ധം മാത്രമാണെന്നായിരുന്നു അദ്ദേഹം നേരത്തെ കസ്റ്റംസിന് മറുപടി നല്‍കിയിരുന്നത്. ഇതുതന്നെയാണ് എന്‍ഐഎക്കും നല്‍കിയതെന്നാണ് വിവരം.