വാഷിംഗ്‌ടൺ:
അമേരിക്കയിൽ കൊവിഡ് ബാധിച്ച് ഇതുവരെ 1,00,064 പേർ മരണപ്പെട്ടതായി ജോൺ ഹോപ്കിൻസ് സർവകലാശാലയുടെ റിപോർട്ടുകൾ വ്യക്തമാക്കുന്നു. ദിനംപ്രതി പതിനായിരക്കണക്കിന് അളുകൾക്കാണ് ഇവിടെ വൈറസ് ബാധ സ്ഥിരീകരിക്കുന്നത്. നിലവിൽ 11,44,765 പേർ അമേരിക്കയിൽ ചികിത്സയിൽ കഴിയുകയാണ്. എന്നാൽ ലോകത്താകെയുള്ള കൊവിഡ് ബാധിതരുടെ എണ്ണം അൻപത്തി എട്ട് ലക്ഷത്തിലേക്ക് അടുക്കുകയാണ്. 3,52,156 പേർക്ക് ഇതിനോടകം ജീവൻ നഷ്ടമാകുകയും ചെയ്തു.