തിരുവനന്തപുരം:
കൊവിഡ് പ്രതിസന്ധിയെ തുടര്‍ന്നുള്ള ലോക്ഡണിന്‍റെ പശ്ചാത്തലത്തില്‍ സംസ്ഥാനത്ത് നിര്‍ത്തിവെച്ച ലോട്ടറി വിൽപന വീണ്ടും തുടങ്ങി. വെെറസിനെ ചെറുക്കാനുള്ള സുരക്ഷാമുൻകരുതലോടെയാണ് വിൽപന.
നറുക്കെടുപ്പ് നടത്താനുളള സമ്മർ ബംമ്പര്‍ അടക്കം 8 ഇനം ടിക്കറ്റുകളാണ് ഇപ്പോൾ വിൽക്കുന്നത്. അടുത്തമാസം 2 മുതലാണ് നറുക്കെടുപ്പ് തുടങ്ങുക. പുതിയടിക്കറ്റുകൾ ജൂലൈ ഒന്ന് മുതലായിരിക്കും പുറത്തിറക്കുക.
പഴയ തീയതിയിലുളള ടിക്കറ്റുകൾ മാറ്റി പുതിയ തീയതിയിലുളളവ നൽകണം, തൊഴിലാളികൾക്ക് 5000 രൂപ സഹായം അനുവദിക്കണം എന്നീ ആവശ്യങ്ങള്‍ കച്ചവടക്കാര്‍ മുന്നോട്ട് വെയ്ക്കുന്നുണ്ട്.