Reading Time: < 1 minute

ന്യൂഡല്‍ഹി:

28 തൊഴിലാളികൾക്ക്​ കൊവിഡ് 19 സ്ഥിരീകരിച്ചതിനെ തുടര്‍ന്ന് സീ ന്യൂസിൻെറ ഡൽഹി ബ്യൂറോയും സ്​റ്റുഡിയോയും താൽക്കാലികമായി​ അടച്ചുപൂട്ടി. രോഗലക്ഷണങ്ങള്‍ ഇല്ലതിരുന്ന തൊഴിലാളികള്‍ക്കാണ് രോഗം സ്ഥിരീകരിച്ചത്. മെയ്​ 15നാണ്​ സീ ന്യൂസിലെ ജീവനക്കാരന്​ ആദ്യമായി കൊവിഡ്​ സ്​ഥിരീകരിച്ചത്​. ഇതിന്​ പിന്നാലെ രോഗം ബാധിച്ച ജീവനക്കാരനുമായി സമ്പർക്കം പുലർത്തിയ മറ്റ്​ ജീവനക്കാരെയും പരിശോധനക്ക്​ വിധേയരാക്കുകയായിരുന്നു. ഇതിൽ 27 പേർക്കാണ്​ രോഗബാധ കണ്ടെത്തിയത്​. അവരില്‍ ഭൂരിഭാഗവും ലക്ഷണങ്ങളില്ലാത്തവരും അസ്വസ്ഥതകള്‍ നേരിടാത്തവരുമായിരുന്നുവെന്നും സീന്യൂസ് എഡിറ്റര്‍ ഇന്‍ ചീഫ് സുധിര്‍ ചൗധരി വാര്‍ത്താക്കുറിപ്പില്‍ അറിയിച്ചു.

പ്രോ​ട്ടോ​കോളും ആരോഗ്യ​പ്രവർത്തകർ നൽകുന്ന മാർഗനിർദേശങ്ങളും പാലിച്ചാണ്​ സീ ന്യൂസ്​ നെറ്റ്​വർക്ക്​ പ്രവർത്തിക്കുന്നത്. അണുവിമുകത്മാക്കുന്നതിൻെറ ഭാഗമായാണ് ​ ന്യൂസ്​ റൂമും, സ്​റ്റുഡിയോയും അടച്ചുപൂട്ടുന്നതെന്ന്  അദ്ദേഹം വ്യക്​തമാക്കി.  ന്യൂസ്​ വിഭാഗം താൽക്കാലികമായി മറ്റൊരു കേന്ദ്രത്തിലേക്ക്​ മാറ്റി.

 

 

 

Advertisement