കൊവിഡ് വ്യാപനത്തെ കുറിച്ച് ട്രംപ് നേരത്തെ അറിഞ്ഞു; തെളിവുകള്‍ പുറത്ത്

വാഷിങ്ടണ്‍:

ചൈനയിൽ ഉത്ഭവിച്ച കൊവിഡ് 19 വൈറസ് അമേരിക്കയെയും കീഴടക്കുമെന്ന് പ്രസിഡന്റ് ഡൊണാൾഡ് ട്രംപിന് നേരത്തെ വിവരം ലഭിച്ചിരുന്നുവെന്ന് റിപ്പോർട്ട്.  ജ​നു​വ​രി, ഫെ​ബ്രു​വ​രി മാസങ്ങളിൽ തന്നെ  അ​മേ​രി​ക്ക​ൻ ര​ഹ​സ്യാ​ന്വേ​ഷ​ണ വി​ഭാ​ഗം ട്രം​പി​ന് ആ​വ​ർ​ത്തി​ച്ച് മു​ന്ന​റി​യി​പ്പ് നൽകിയതാണെന്നും. എന്നാൽ, റി​പ്പോ​ർ​ട്ടു​ക​ൾ യ​ഥാ​സ​മ​യം പ​രി​ശോ​ധി​ക്കാ​ൻ ട്രംപ് ത​യ്യാ​റാ​യി​ല്ലെ​ന്നും വാഷിങ്ടൺ പോസ്റ്റ് റിപ്പോർട്ട് ചെയ്യുന്നു.

ചൈന കൊറോണയെ സംബന്ധിച്ച വിവരം മറച്ചുവെച്ചുവെന്നും അതിന് ലോകാരോഗ്യസംഘടന കൂട്ട് നിന്നുമെന്നുമാണ് ട്രംപ് വാദിച്ചുകൊണ്ടിരിക്കുന്നത്. അതേസമയം,  കോ​വി​ഡ് കാ​ല​ത്ത് അ​മേ​രി​ക്ക​ൻ രാ​ഷ്ട്രീ​യ നേ​താ​ക്ക​ൾ ചൈ​ന​ക്കെ​തി​രെ ന​ട​ത്തു​ന്ന​ത് വെ​റും നുണ പ്രചാരണമാണെന്ന് ആരോപിച്ചുകൊണ്ട് ചൈന രംഗത്തെത്തി. കൊവിഡ് പ്രതിരോധത്തിലെ തങ്ങളുടെ പാളിച്ചകൾ മറച്ചുവെയ്ക്കാനാണ് ട്രംപും കൂട്ടരും ശ്രമിക്കുന്നതെന്ന് ചൈന ആരോപിച്ചു.