ന്യൂഡൽഹി:
21 ദിവസത്തെ രാജ്യവ്യാപക ലോക്ക്ഡൌൺ അവസാനിച്ചതിനു ശേഷം ഏപ്രിൽ 15 മുതൽ ട്രെയിൻ ഗതാഗതം പുനരാരംഭിക്കാൻ തീരുമാനിച്ചതായുള്ള എല്ലാ മാധ്യമ റിപ്പോർട്ടുകളും ഇന്ത്യൻ റെയിൽവേ വ്യാഴാഴ്ച നിഷേധിച്ചു. റിപ്പോർട്ടുകളിൽ പറഞ്ഞതുപോലെ ഒരു അറിയിപ്പും പുറപ്പെടുവിച്ചിട്ടില്ലെന്ന് റെയിൽവേ ഒരു പ്രസ്താവനയിൽ പറഞ്ഞു.
കൊറോണ വൈറസ് വ്യാപനത്തിന്റെ പശ്ചാത്തലത്തിൽ മാർച്ച് 24 മുതൽ ഏപ്രിൽ 14 വരെ പാസഞ്ചർ, മെയിൽ, എക്സ്പ്രസ് ട്രെയിൻ സർവീസുകൾ നിർത്തിവച്ചിരുന്നു.