Fri. Mar 29th, 2024
തി​രു​വ​ന​ന്ത​പു​രം:

 
പൗ​ര​ത്വ ഭേ​ദ​ഗ​തി​ നി​യ​മത്തിനെതിരെ ബിജെപിയിലെ ഒ​രം​ഗ​ത്തി​ന്റെ എ​തി​ര്‍​പ്പോ​ടെ കേരള നിയമസഭയിൽ  പ്ര​മേ​യം പാ​സാ​ക്കി. നിയമസഭ വിളിച്ചു ചേർത്ത പ്രത്യേക സമ്മേളനത്തിൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ അ​വ​ത​രി​പ്പി​ച്ച പ്ര​മേ​യം ബിജെപി എംഎൽഎ ഒ രാജഗോപാൽ ഒ​ഴി​കെ​യു​ള്ള ക​ക്ഷി​ക​ളെ​ല്ലാം അ​നു​കൂ​ലി​ച്ചു.

പൗ​ര​ത്വ നി​യ​മ ഭേ​ദ​ഗ​തി ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് പ്ര​മേ​യ​ത്തി​ല്‍ മു​ഖ്യ​മ​ന്ത്രി പ​റ​ഞ്ഞു. ഇ​ന്ത്യ​യു​ടെ മ​തേ​ത​ര​സ്വഭാ​വ​ത്തി​നും പൗ​ര​ന്‍​മാ​രു​ടെ മൗ​ലി​കാ​വ​കാ​ശ​ങ്ങ​ള്‍​ക്കും എ​തി​രാ​യ​തി​നാ​ല്‍ നി​യ​മം പി​ന്‍​വ​ലി​ക്ക​ണ​മെ​ന്ന് സ​ഭ ഒ​ന്നൊ​ഴി​കെ ഒ​ന്നി​ച്ച്‌ ആ​വ​ശ്യ​പ്പെ​ട്ടു. ഇതോടെ പൗരത്വ ഭേദഗതി നിയമത്തിനെതിരെ പ്രമേയം പാസ്സാക്കുന്ന രാജ്യത്തെ ആദ്യത്തെ നിയമസഭ കൂടിയാകും കേരളം.

എന്നാൽ പൗ​ര​ത്വ നി​യ​മ ഭേ​ദഗ​തി​യെ തെ​റ്റാ​യി വ്യാ​ഖ്യാ​നി​ക്കു​ന്ന​ത് സ​ങ്കു​ചി​ത രാ​ഷ്ട്രീ​യ ലാ​ഭ​ങ്ങ​ള്‍​ക്കു വേ​ണ്ടി​യാ​ണെന്നും, മു​സ്ലീമി​നെ രാ​ഷ്ട്ര​പ​തി​യാ​ക്കി​യ പാരമ്പര്യമാണ് ബി​ജെ​പി​ക്കു​ള്ള​തെന്നും പ്രമേയ ചർച്ചയിൽ ഒ രാജഗോപാൽ പറഞ്ഞു.

അതേസമയം, കേ​ര​ള​ത്തി​ല്‍ ത​ട​ങ്ക​ല്‍ പാ​ള​യ​ങ്ങ​ള്‍ നിർമിക്കില്ലെന്നും, അതിനു വേണ്ടിയുള്ള തുടർ നടപടി സ്വീകരിക്കില്ലെന്നും മു​ഖ്യ​മ​ന്ത്രി പ്ര​മേ​യം അ​വ​ത​രി​പ്പി​ച്ചു​കൊ​ണ്ട്  പ്ര​ഖ്യാ​പി​ച്ചു. നി​യ​മം പ്ര​വാ​സി​ക​ള്‍​ക്കി​ട​യി​ലും ആ​ശ​ങ്ക ഉ​ള​വാ​ക്കു​ന്നു. മ​തേ​ര​ത്വ​ത്തെ ത​ക​ര്‍​ക്കു​ന്ന ഒ​രു നി​യ​മ​ത്തേ​യും അ​നു​കൂ​ലി​ക്കാ​നാ​വി​ല്ല. അ​തു​കൊ​ണ്ട് ത​ന്നെ സം​സ്ഥാ​ന​ത്ത് ത​ട​ങ്ക​ല്‍​പാ​ള​യ​ങ്ങ​ള്‍ ഉ​ണ്ടാ​കി​ല്ലെ​ന്നും അ​തി​നു​ള്ള ഒ​രു ന​ട​പ​ടി​യും സം​സ്ഥാ​ന സ​ര്‍​ക്കാ​രിന്റെ ഭാ​ഗ​ത്തു നി​ന്ന് ഉ​ണ്ടാ​കി​ല്ലെ​ന്നും മു​ഖ്യ​മ​ന്ത്രി വ്യക്തമാക്കി.

രാ​ജ്യ​ത്ത് പ​ട്ടി​ക​ജാ​തി- പ​ട്ടി​ക​വ​ര്‍​ഗ​ങ്ങ​ളി​ല്‍​പ്പെ​ട്ട​വ​ര്‍​ക്ക് സം​വ​ര​ണം പ​ത്തു​വ​ര്‍​ഷ​ത്തേ​ക്ക് നീ​ട്ടാ​നു​ള്ള പ്ര​മേ​യ​മാ​ണ് മു​ഖ്യ​മ​ന്ത്രി ആ​ദ്യം അ​വ​ത​രി​പ്പി​ച്ച​ത്. സാ​മൂ​ഹ്യ സ്ഥി​തി​യി​ല്‍ ഏ​റെ മാ​റ്റ​ങ്ങ​ള്‍ വ​ന്നി​ട്ടു​ണ്ടെ​ങ്കി​ലും, ജാതി വ്യവസ്ഥയുടെ ജീർണത ഇപ്പോഴുമുണ്ട്. പി​ന്നോ​ക്ക വി​ഭാ​ഗ​ങ്ങ​ളി​ലുള്ളവർക്ക് സാമൂഹ്യ-സാമ്പത്തിക നീതി ​ഉറ​പ്പു​വ​രു​ത്ത​ണ​മെ​ന്നും മു​ഖ്യ​മ​ന്ത്രി ആ​വ​ശ്യ​പ്പെ​ട്ടു.