ഡെറാഡൂണ്‍:
കഴിഞ്ഞ ദിവസങ്ങളിൽ കനത്ത മഴയിൽ ഉത്തരാഖണ്ഡിലുണ്ടായ പ്രളയത്തെത്തുടർന്ന്, ദുരിതബാധിത മേഖലകളിലേക്ക് ദുരിതാശ്വാസ പ്രവര്‍ത്തനങ്ങൾ നടത്തിവന്ന ഹെലികോപ്റ്റര്‍ തകര്‍ന്ന് വീണ്‌ മൂന്നു പേര്‍ മരണമടഞ്ഞു.
ചൊവ്വാഴ്ച വൈകുന്നേരമായിരുന്നു അപകടമുണ്ടായത്. ദുരിതാശ്വാസ പ്രവർത്തനം നടത്തുന്നതിനിടെ വൈദ്യുതലൈനില്‍ തട്ടി ഹെലികോപ്റ്റർ തകർന്നു വീഴുകയായിരുന്നു.
പൈലറ്റ് രാജ്പാല്‍, സഹപൈലറ്റ് കപ്താല്‍ ലാല്‍, കൂടെയുണ്ടായിരുന്ന രമേശ് സവാര്‍ എന്നിവരാണ് മരിച്ചത്.
ഉത്തരകാശിയിലെ മോറിയില്‍ പ്രളയത്തില്‍ കുടുങ്ങി കിടക്കുന്ന ആളുകള്‍ക്ക് ഭക്ഷണവും വെള്ളവും എത്തിച്ചുകൊടുത്ത ശേഷം മോള്‍ഡിയിലേക്ക് വരികയായിരുന്ന വ്യോമസേന ഹെലികോപ്റ്ററാണ് തകര്‍ന്നത്.
