സാൻഡ്​ ഓഡിറ്റ്​​ പൂർത്തിയായിട്ടും മണലെടുപ്പ്​ വൈകുന്നു

മ​ല​പ്പു​റം:

ജി​ല്ല​യി​ലെ ചാ​ലി​യാ​ർ, ക​ട​ലു​ണ്ടി പു​ഴ​ക​ളി​ൽ​നി​ന്ന് മ​ണ​ലെ​ടു​ക്കാ​നു​ള്ള സാ​ൻ​ഡ്​ ഓഡി​റ്റ്​ പൂ​ർ​ത്തി​യാ​യി​ട്ട്​ മാ​സ​ങ്ങ​ൾ. റി​പ്പോ​ർ​ട്ട്​ ഉ​ണ്ടാ​യി​ട്ടും ന​ട​പ​ടി​ക​ളിൽ കാ​ല​താ​മ​സം വ​രു​ന്ന​തി​നാ​ൽ മ​ണ​ലെ​ടു​പ്പ്​ വൈ​കു​ന്നു. ന​ട​പ​ടി​ക​ൾ നീ​ളു​ന്ന​തോ​ടെ ഒ​രു​ഭാ​ഗ​ത്ത്​ മ​ണ​ൽ​ക്ക​ട​ത്തും വ്യാ​പ​ക​മാ​യി​രി​ക്കു​ക​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ൽ ചാ​ലി​യാ​ർ, ക​ട​ലു​ണ്ടി പു​ഴ​ക​ളി​ൽ​നി​ന്ന് മ​ണ​ൽ ക​ട​ത്തു​ന്ന​തി​നി​ടെ വാ​ഹ​ന​ങ്ങ​ൾ പൊ​ലീ​സ്​ സം​ഘം പി​ടി​കൂ​ടി​യി​രു​ന്നു.

സം​സ്ഥാ​ന​ത്ത്​ 30 പ്ര​ധാ​ന ന​ദി​ക​ളി​ലെ​യും അ​ഞ്ച്​ പോ​ഷ​ക ന​ദി​ക​ളി​ലെ​യും​ മ​ണ​ലെ​ടു​ക്കാ​നാ​യാ​ണ് സ​ർ​ക്കാ​ർ സാ​ൻ​ഡ്​ ഓ​ഡി​റ്റ്​ ന​ട​ത്തി​യ​ത്. ഇ​തി​ൽ 26 പ്ര​ധാ​ന ന​ദി​ക​ളു​ടെ​യും മൂ​ന്ന്​ പോ​ഷ​ക ന​ദി​ക​ളു​ടെ​യും റി​പ്പോർ​ട്ട്​ പൂ​ർ​ത്തി​യാ​ക്കി സ​മ​ർ​പ്പി​ച്ചി​ട്ടു​ണ്ട്. റി​പ്പോ​ർ​ട്ട്​ ത​യാ​റാ​യ​വ​യി​ൽ 13 ന​ദി​ക​ളി​ൽ മ​ണ​ൽ ല​ഭ്യ​ത​യി​ല്ലെ​ന്നാ​ണ്​ ക​ണ്ടെ​ത്ത​ൽ. ബാ​ക്കി 16 ന​ദി​ക​ളി​ൽ മ​ണ​ൽ ല​ഭ്യ​ത ക​ണ്ടെ​ത്തി​യി​ട്ടു​ണ്ട്.