ദോഹ:
ഇറാൻ പ്രസിഡൻറായി തിരഞ്ഞെടുക്കപ്പെട്ട ഇബ്രാഹിം റഈസിക്ക് ഖത്തർ അമീർ ശൈഖ് തമിം ബിൻ ഹമദ് ആൽഥാനിയുടെ അഭിനന്ദന സന്ദേശം. തിരഞ്ഞെടുപ്പിൽ വൻ ഭൂരിപക്ഷത്തോടെ അധികാരത്തിലെത്തിയ ഇബ്രാഹിം റഈസിക്ക് വിജയാശംസ നേർന്ന അമീർ, ഇരുരാജ്യങ്ങളും തമ്മിലുള്ള ബന്ധം കൂടുതൽ ഊഷ്മളമാവട്ടെ എന്നും ആശംസിച്ചു.
ഡെപ്യൂട്ടി അമീർ ശൈഖ് അബ്ദുല്ല ബിൻ ഹമദ് ആൽഥാനി, പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഖാലിദ് ബിൻ അബ്ദുൽ അസിസ് ആൽഥാനി എന്നിവരും ഇറാൻ പ്രസിഡൻറിനെ അഭിനന്ദിച്ചു.