പീരുമേട്ടിൽ നിന്ന് കടത്തിയത് കോടികളുടെ മരം

പീ​രു​മേ​ട്:

വി​വാ​ദ ഉ​ത്ത​ര​വി​ന്റെ മ​റ​വി​ൽ പീ​രു​മേ​ട്​ താ​ലൂ​ക്കി​ലെ വി​വി​ധ തോ​ട്ട​ങ്ങ​ളി​ൽ​നി​ന്ന് വെ​ട്ടി​ക്ക​ട​ത്തി​യ​ത് 40 കോ​ടി​യോ​ളം വി​ല​മ​തി​ക്കു​ന്ന ഈ​ട്ടി, തേ​ക്ക് മ​ര​ങ്ങ​ൾ. അ​ഞ്ച് തേ​യി​ല, കാ​പ്പി തോ​ട്ട​ങ്ങ​ളി​ൽ​നി​ന്നാ​ണ് വ​ൻ മ​ര​ങ്ങ​ൾ മു​റി​ച്ചു​ക​ട​ത്തി​യ​ത്.

100 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള ഈ​ട്ടി​ക​ളാ​ണ് മു​റി​ച്ചു​മാ​റ്റി​യ​ത്. വ​ണ്ടി​പ്പെ​രി​യാ​റി​ലെ ചു​ര​ക്കു​ളം, വാ​ളാ​ർ​ഡി എ​ന്നി​വി​ട​ങ്ങ​ളി​ലെ ര​ണ്ട് തോ​ട്ട​ത്തി​ൽ​നി​ന്നും ച​പ്പാ​ത്ത്, ക​രി​ന്ത​രു​വി, ആ​ല​ടി എ​ന്നി​വി​ട​ങ്ങ​ളി​ലെ തോ​ട്ട​ങ്ങ​ളി​ൽ​നി​ന്നു​മാ​ണ് മ​ര​ങ്ങ​ൾ മു​റി​ച്ച​ത്.

രാ​ഷ്​​ട്രീ​യ, ഉ​ദ്യോ​ഗ​സ്ഥ കൂ​ട്ടു​കെ​ട്ട് സ​ഹാ​യ​മാ​യ​തോ​ടെ റി​സ​ർ​വ് ചെ​യ്ത് നി​ർ​ത്തി​യി​രു​ന്ന ഈ​ട്ടി​ക്കു​മേ​ലും കോ​ടാ​ലി വീ​ണു. വ​ണ്ടി​പ്പെ​രി​യാ​റി​ൽ സിപിഐ ജി​ല്ല ഭാ​ര​വാ​ഹി ക​രാ​റെ​ടു​ത്ത് മ​ര​ങ്ങ​ൾ മു​റി​ച്ച​തോ​ടെ ത​ട​സ്സ​മി​ല്ലാ​തെ മ​ര​ങ്ങ​ൾ മി​ല്ലി​ലെ​ത്തി. ഇ​തി​ന് പി​ന്നാ​ലെ മ​റ്റു​തോ​ട്ട​ങ്ങ​ളി​ലും മ​രം​മു​റി ആ​രം​ഭി​ച്ചു.

മു​റി​ച്ച മ​ര​ങ്ങ​ളു​ടെ ക​ണ​ക്ക് ശേ​ഖ​രി​ക്കാ​ൻ റ​വ​ന്യൂ വ​കു​പ്പ് ഇ​ടു​ക്കി ക​ല​ക്ട​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. മു​റി​ച്ച മ​ര​ങ്ങ​ളു​ടെ എ​ണ്ണം, അ​ള​വ് തു​ട​ങ്ങി​യ വി​വ​ര​ങ്ങ​ൾ വി​ല്ലേ​ജു​ക​ൾ തി​രി​ച്ച് ശേ​ഖ​രി​ച്ച് ഒ​രാ​ഴ്ച​ക്ക​കം റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി​ക്ക് ന​ൽ​ക​ണം. റ​വ​ന്യൂ വ​കു​പ്പി​ന്റെ പ​രി​ശോ​ധ​ന പൂ​ർ​ത്തി​യാ​ക്കി എ​ണ്ണം തി​ട്ട​പ്പെ​ടു​ത്തു​ന്ന​തോ​ടെ മു​റി​ച്ചു​മാ​റ്റി​യ മ​ര​ങ്ങ​ളു​ടെ വി​ല കൃ​ത്യ​മാ​യി ല​ഭ്യ​മാ​കും.