തദ്ദേശ വകുപ്പിൽ ഉദ്യോഗക്കയറ്റത്തിലെ ചട്ടലംഘനം വിവാദമാകുന്നു

കാ​യം​കു​ളം:

ഭാ​ഷാ ന്യൂ​ന​പ​ക്ഷ പ്ര​ദേ​ശ​ങ്ങ​ളി​ൽ ച​ട്ടം മ​റി​ക​ട​ന്ന് പ​ഞ്ചാ​യ​ത്ത് സെ​ക്ര​ട്ട​റി​മാ​രെ നി​യ​മി​ക്കാ​നു​ള്ള ത​ദ്ദേ​ശ വ​കു​പ്പ് നീ​ക്കം വി​വാ​ദ​ത്തി​ൽ. അ​ഡ്മി​നി​സ്ട്രേ​റ്റി​വ് ട്രൈ​ബ്യൂ​ണ​ൽ ഉ​ത്ത​ര​വിൻ്റെ മ​റ​പി​ടി​ച്ചു​ള്ള ഉ​ദ്യോ​ഗ​സ്ഥ മേ​ധാ​വി​യു​ടെ നീ​ക്കം ഗു​രു​ത​ര നി​യ​മ​പ്ര​ശ്ന​ങ്ങ​ൾ​ക്ക് വ​ഴി​തു​റ​ക്കും. ഭ​ര​ണ​പ​രി​ഷ്കാ​ര വ​കു​പ്പി​െൻറ അ​ഭി​പ്രാ​യം തേ​ടാ​തെ 2012ൽ ​പാ​സാ​ക്കി​യ ച​ട്ടം ലം​ഘി​ച്ച ന​ട​പ​ടി​ക​ളാ​ണ് പ്ര​ശ്നം.

ഇ​ടു​ക്കി ജി​ല്ല​യി​ലെ പീ​രു​മേ​ട്, ദേ​വി​കു​ളം, പാ​ല​ക്കാ​ട് ജി​ല്ല​യി​ലെ ചി​റ്റൂ​ർ, കാ​സ​ർ​കോ​ട് ജി​ല്ല​യി​ലെ കാ​സ​ർ​കോ​ട് താ​ലൂ​ക്കു​ക​ളി​ലെ പ​ഞ്ചാ​യ​ത്ത് സെ​ക്ര​ട്ട​റി നി​യ​മ​ന നീ​ക്ക​മാ​ണ് വി​വാ​ദ​മാ​കു​ന്ന​ത്. ഭാ​ഷാ ന്യൂ​ന​പ​ക്ഷ പ്ര​ദേ​ശ​ങ്ങ​ളാ​യ ഇ​വി​ട​ങ്ങ​ളി​ലെ പ​ഞ്ചാ​യ​ത്ത് സെ​ക്ര​ട്ട​റി​മാ​ർ, ഇ​ത​ര വ​കു​പ്പു​ക​ളു​ടെ മേ​ല​ധി​കാ​രി​ക​ൾ എ​ന്നി​വ​രു​ടെ നി​യ​മ​ന​ത്തി​ന് പ്രാ​ദേ​ശി​ക ഭാ​ഷാ ച​ട്ടം ബാ​ധ​ക​മാ​ണ്.

തു​ട​ക്ക​ത്തി​ൽ പി എ​സ് ​സി​യു​ടെ ഭാ​ഷാ പ​രി​ജ്ഞാ​ന പ​രീ​ക്ഷ പാ​സാ​കു​ന്ന​വ​ർ​ക്കാ​യി​രു​ന്നു നി​യ​മ​നം. ഇ​ത് നി​ര​വ​ധി പ്രാ​യോ​ഗി​ക പ്ര​ശ്ന​ങ്ങ​ൾ​ക്ക് കാ​ര​ണ​മാ​കു​ന്ന​താ​യി ആ​ക്ഷേ​പം ഉ​യ​ർ​ന്ന​തോ​ടെ​യാ​ണ്​ ഒ​ന്നു​മു​ത​ൽ 10 വ​രെ ത​മി​ഴ്, ക​ന്ന​ട ഭാ​ഷാ പ​ഠ​നം​കൂ​ടി നി​ർ​ബ​ന്ധ​മാ​ക്കി ച​ട്ടം ഭേ​ദ​ഗ​തി ചെ​യ്യു​ന്ന​ത്.

ഭാ​ഷാ ന്യൂ​ന​പ​ക്ഷ പ്ര​ദേ​ശ ഒാ​ഫി​സു​ക​ളി​ൽ അ​താ​തി​ട​ത്തെ ഭാ​ഷാ​പ​രി​ജ്ഞാ​ന​മു​ള്ള​വ​രെ നി​യോ​ഗി​ക്ക​ണ​മെ​ന്ന് പ്ര​ദേ​ശ​ങ്ങ​ളി​ലെ എം എ​ൽ ​എ​മാ​ർ ഉ​ൾ​പ്പെ​ട്ട ഭാ​ഷാ ന്യൂ​ന​പ​ക്ഷ​സ​മി​തി യോ​ഗ​ത്തി​ലും തീ​രു​മാ​ന​മാ​യി​രു​ന്നു.

എ​ന്നാ​ൽ, ഇ​തി​നെ ചോ​ദ്യം ചെ​യ്ത് ഒ​രു ഉ​ദ്യോ​ഗ​സ്ഥ​ൻ ന​ൽ​കി​യ ഹ​ര​ജി​യി​ൽ യോ​ഗ്യ​ത സം​ബ​ന്ധി​ച്ച് പ​രി​ശോ​ധി​ച്ച് തീ​രു​മാ​ന​മെ​ടു​ക്കാ​ൻ ട്രൈ​ബ്യൂ​ണ​ൽ ഉ​ത്ത​ര​വാ​യി​രു​ന്നു. ഇ​തിൻ്റെ മ​റ​പി​ടി​ച്ചാ​ണ് ഉ​ത്ത​ര​വ്​ ദു​ർ​വ്യാ​ഖ്യാ​നം ചെ​യ്ത് നി​യ​മ​ന​ത്തി​ന് ന​ട​പ​ടി തു​ട​ങ്ങി​യ​ത്. ച​ട്ട​ത്തി​ലു​ള്ള സ്കൂ​ൾ ഭാ​ഷാ​പ​ഠ​ന​മെ​ന്ന നി​ർ​ബ​ന്ധി​ത വ്യ​വ​സ്ഥ ഒ​ഴി​വാ​ക്കി​യാ​ണ് 41 സെ​ക്ര​ട്ട​റി​മാ​രു​ടെ പ​ട്ടി​ക ത​യാ​റാ​ക്കിയത്.