സുന്ദരക്ക്​ പണമെത്തിച്ചത്​ മൂന്നു ദൂതന്മാർ; സുരേന്ദ്രനെതിരെ കൂടുതൽ തെളിവുകൾ

കാ​സ​ർ​കോ​ട്​:

മ​ഞ്ചേ​ശ്വ​രത്ത്​ പ​ത്രി​ക പി​ൻ​വ​ലി​ക്കാൻ​ ബിഎ​സ്പി സ്​​ഥാ​നാ​ർ​ത്ഥി കെ സു​ന്ദ​ര​ക്ക്​ ര​ണ്ട​ര ല​ക്ഷം രൂ​പ​യും മൊ​ബൈ​ൽ ഫോ​ണും ന​ൽ​കി​യ​ത്​ മൂ​ന്നു ദൂ​ത​ന്മാ​ർ വ​ഴി. ബിജെപി സം​സ്​​ഥാ​ന പ്ര​സി​ഡ​ൻ​റും സ്​​ഥാ​നാ​ർ​ത്ഥി​യു​മാ​യ കെ ​സു​രേ​ന്ദ്ര​നു വേ​ണ്ടി​ സു​രേ​ഷ്​ നാ​യി​ക്, അ​ശോ​ക്​ ഷെ​ട്ടി, സു​നി​ൽ നാ​യി​ക്​ എ​ന്നി​വ​രാ​ണ്​ പ​ണം കൈ​മാ​റി​യ​ത്.

ത​ട്ടി​ക്കൊ​ണ്ടു​പോ​യി ഭീ​ഷ​ണി​പ്പെ​ടു​ത്തി പ​ണം ന​ൽ​കി​യാ​ണ്​ പ​ത്രി​ക പി​ൻ​വ​ലി​പ്പി​ച്ച​തെ​ന്നും കെ ​സു​ന്ദ​ര അ​ന്വേ​ഷ​ണ സംഘത്തിന്​ മൊ​ഴി ന​ൽ​കി. കൊ​ട​ക​ര കു​ഴ​ൽ​പ്പ​ണ​കേ​സി​ൽ പൊ​ലീ​സ്​ ചോ​ദ്യം ചെ​യ്​​ത്​ വി​ട്ട​യ​ച്ച​യാ​ൾ കൂ​ടി​യാ​ണ്​ പ​ണം ന​ൽ​കി​യ സം​ഘ​ത്തി​ലെ​ സു​നി​ൽ നാ​യി​ക്. ഇ​തോ​ടെ, കു​ഴ​ൽ​പ്പ​ണ​കേ​സി​ലെ മ​ഞ്ചേ​ശ്വ​രം ബ​ന്ധം കൂ​ടു​ത​ൽ വ്യ​ക്ത​മാ​കു​ക​യാ​ണ്.

ക​ഴി​ഞ്ഞ​ത​വ​ണ​​ത്തേ​തു​പോ​ലെ ഇ​ത്ത​വ​ണ​യും പ​ത്രി​ക ന​ൽ​കി​യ​തോ​ടെ ഒ​ട്ടേറെ പേ​ർ വി​ളി​ച്ചു പ​ല​തും വാ​ഗ്​​ദാ​നം ചെ​യ്​​ത​താ​യി ഇ​ദ്ദേ​ഹം മൊ​ഴി ന​ൽ​കി. 15 ല​ക്ഷം രൂ​പ​യാ​ണ്​ പ​ത്രി​ക പി​ൻ​വ​ലി​ക്കാ​ൻ താ​ൻ ആ​വ​ശ്യ​പ്പെ​ട്ട​തെ​ങ്കി​ലും സ​മ്മ​തി​ച്ചി​ല്ല. പി​ന്നീ​ട്​ ഒ​രു സം​ഘം ത​ട്ടി​ക്കൊ​ണ്ടു​പോ​യി ഭീ​ഷ​ണി​പ്പെ​ടു​ത്തു​ക​യാ​യി​രു​ന്നു.

ഭീ​ഷ​ണി​ ഭ​യ​ന്നാ​ണ്​ ര​ണ്ട​ര​ല​ക്ഷം രൂ​പ വാ​ങ്ങി പ​ത്രി​ക പി​ൻ​വ​ലി​ച്ച​ത്. സ്വ​ന്തം നി​ല​ക്ക്​ പ​ത്രി​ക പി​ൻ​വ​ലി​ച്ച​താ​യി മാ​ധ്യ​മ​ങ്ങ​ളോ​ട്​ പ​റ​യാ​ൻ സം​ഘം നി​ർ​ദേ​ശി​ച്ച​താ​യും അ​ദ്ദേ​ഹം മൊ​ഴി ന​ൽ​കി.