Reading Time: < 1 minute
ഡെറാഡൂൺ:

കുംഭമേള പൂർത്തിയായതിന്​ പിന്നാലെ ഹരിദ്വാറിൽ കർഫ്യൂ പ്രഖ്യാപിച്ച്​ ഉത്തരവിറങ്ങി. മേളയുടെ അവസാന ചടങ്ങായ സഹി സ്​നാൻ പൂർത്തിയായതിന്​ പിന്നാലെയായിരുന്നു കർഫ്യൂ. പതിനായിരത്തോളം വിശ്വാസികളാണ്​ അവസാനചടങ്ങുകൾക്കായി ഹരിദ്വാറിൽ എത്തിയത്​. കൊവിഡ് പ്രോ​ട്ടോകോൾ പൂർണമായും പാലിക്കാതെയായിരുന്നു ചടങ്ങുകൾ.

നഗരമേഖലകളായ ഹരിദ്വാർ, റൂർക്കേ, ലക്​ഷർ, ഭഗവാൻപൂർ എന്നിവിടങ്ങളിലാണ്​ കർഫ്യു ഏർപ്പെടുത്തിയിരിക്കുന്നതെന്ന്​ ഹരിദ്വാർ ജില്ലാ മജിസ്​ട്രേറ്റ്​ അറിയിച്ചു. കൊവിഡ് വ്യാപനം രൂക്ഷമായതിനെ തുടർന്ന്​ ഏപ്രിൽ 18ന്​ കുംഭമേള ചടങ്ങ്​ മാത്രമാക്കി ചുരുക്കാൻ പ്രധാനമന്ത്രി നിർദേശം നൽകിയിരുന്നു. എന്നാൽ, എഎൻഐ റിപ്പോർട്ടനുസരിച്ച്​ കഴിഞ്ഞ ദിവസവും നൂറകണക്കിന്​ സന്യാസികളാണ്​ കുംഭമേളക്കായി എത്തിയത്​.

ഇവരെ കൂടാതെ ആയിരക്കണക്കിന്​ വിശ്വാസികളും എത്തിയിരുന്നു. കൊവിഡ് പ്രോ​ട്ടോകോൾ പാലിക്കാതെയായിരുന്നു ആയിരക്കണക്കിന്​ ആളുകൾ ഹരിദ്വാറിൽ തടിച്ച്​ കൂടിയത്​.

Advertisement