ന്യൂഡൽഹി:
ലോകാത്ഭുതങ്ങളിലൊന്നായ താജ് മഹലിന്‍റെ പേരു മാറ്റണമെന്ന വിവാദ പ്രസ്താവനയുമായി ഉത്തർപ്രദേശ് ബിജെപി എംഎൽഎ. ഛത്രപതി ശിവജിയുടെ പിൻഗാമിയായി മുഖ്യമന്ത്രി യോഗി ആദിത്യനാഥിനെ വിശേഷിപ്പിച്ച സുരേന്ദ്ര സിങ് താജ്മഹലിന്‍റെ പേര് രാംമഹൽ എന്ന് മാറ്റണമെന്ന് ആവശ്യപ്പെടുകയായിരുന്നു.
താജ്മഹൽ ഒരു ശിവക്ഷേത്രമായിരുന്നു. മുസ്ലിം ആക്രമണകാരികൾ ഇന്ത്യയുടെ സംസ്കാരം നശിപ്പിക്കുന്നതിനായി ശിവക്ഷേത്രം ഇല്ലാതാക്കി താജ്മഹലാക്കി മാറ്റുകയായിരുന്നുവെന്നും ബിജെപി എംഎൽഎ പറഞ്ഞു.
‘താജ്മഹൽ ഒരു ശിവക്ഷേത്രമായിരുന്നു. ഇന്ത്യൻ സംസ്കാരത്തെ നശിപ്പിക്കാൻ മുസ്ലിം ആക്രമണകാരികൾ അവ കീഴടക്കുകയായിരുന്നു. ഒരു സുവർണാവസരം വീണ്ടും കൈവന്നു. ശിവജിയുടെ പിന്മുറക്കാരുടെ കൈവശം യു പി ഭരണമെത്തി’ -സുരേന്ദ്രസിങ് പറഞ്ഞു.