കൊൽക്കത്ത:
പശ്ചിമബംഗാളിൽ പെട്രോൾ ബോംബേറിൽ ആറ് ബിജെപി പ്രവർത്തകർക്ക് പരിക്ക്. ഇതിൽ രണ്ട് പേരുടെ നില ഗുരുതരം. സൗത്ത് 24 പർഗാന ജില്ലയിലാണ് സംഭവം. വിവാഹത്തിൽ പങ്കെടുത്ത് മടങ്ങുന്നതിനിടെ വെള്ളിയാഴ്ച രാത്രിയാണ് ഇവർക്ക് നേരെ ബോംബേറുണ്ടായത്.
ഉടൻ തന്നെ ആറ് പേരെയും കാനിങ് സബ്ഡിവഷൺ ആശുപത്രിയിൽ പ്രവേശിപ്പിച്ചു. തൃണമൂൽ കോൺഗ്രസാണ് ബോംബേറിന് പിന്നിലെന്ന് ബിജെപി ആരോപിച്ചു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
അതേസമയം, ബിജെപി പ്രവർത്തകർ ബോംബ് സ്ഥാപിക്കാൻ ശ്രമിക്കുന്നതിനിടെ അത് പൊട്ടിയാണ് അപകടമുണ്ടായ
തെന്ന് തൃണമൂൽ കോൺഗ്രസ് ആരോപിച്ചു.