ബെയ്ജിങ്:
സർക്കാർ വിരുദ്ധ നിലപാടുകളുടെ പേരിൽ ഭരണകൂടത്തിന്‍റെ കണ്ണിലെ കരടായി മാറിയ ആലിബാബ, ആന്‍റ് ഗ്രൂപ് സ്ഥാപനങ്ങളുടെ മേധാവി ജാക് മാക്ക് ചൈനയിൽ ഏറ്റവും വലിയ സമ്പന്നനെന്ന പദവി നഷ്ടമായി. 2020ലും 2019ലും ഒന്നാം സ്ഥാനത്ത് വെല്ലുവിളികളില്ലാതെ തുടർന്ന മാ ഏറ്റവും പുതിയ റിപ്പോർട്ടിൽ നാലാംസ്ഥാനത്തേക്കു വീണു.
കുടിവെള്ള കമ്പനി നോങ്ഫു സ്പ്രിങ് ഉടമ ഷോങ് ഷാൻഷാൻ, ടെൻസെന്‍റ് ഹോൾഡിങ്ങിന്‍റെ പോണി മാ, ഇ- കൊമേഴ്സ് രംഗത്തെ പുതിയ സാന്നിധ്യമായ പിൻഡുവോഡോയുടെ മുതലാളി കോളിൻ ഹുവാങ് എന്നിവരാണ് ആദ്യ മൂന്നു പദവികളിലുള്ളവർ.
ജാക് മായുടെ ആന്‍റ് ഗ്രൂപിനും ആലിബാബക്കും മേൽ സർക്കാർ കടുത്ത നിയന്ത്രണങ്ങൾ ചുമത്തിയതോടെ ഇരു കമ്പനികളുടെയും വിപണി നിയന്ത്രണം താഴോട്ടാണ്.