ന്യൂയോർക്ക്:
കൊവിഡ് കാലം പാതി കൊണ്ടുപോയ കലയുടെ ലോകത്ത് ജനപ്രീതിയിൽ ഏറെ മുന്നിലുള്ള ഗോൾഡൻ ഗ്ലോബ് പുരസ്കാരങ്ങൾ പ്രഖ്യാപിച്ചു. ബ്രിട്ടീഷ് രാജ്ഞിയുടെ കുടുംബവും ജീവിതവും പ്രമേയമാക്കിയുള്ള ടെലിവിഷൻ പരമ്പരയായ ദി ക്രൗൺ മൂന്ന് പുരസ്കാരങ്ങളുമായി 2021ലും പതിവു കാത്തു. മികച്ച നടനായി ജോഷ് ഒ കോണറും സഹനടിയായി ഗിലിയൻ ആൻഡേഴ്സണുമാണ് ദി ക്രൗണിന് ഇരട്ട സമ്മാനം നൽകിയത്. മികച്ച ടെലിവിഷൻ പരമ്പരയും ദി ക്രൗണാണ്.
വിദേശ സിനിമ വിഭാഗത്തിൽ മിനാരിയാണ് ഒന്നാമതെത്തിയത്. കോമഡി, മ്യൂസിക്കൽ വിഭാഗത്തിൽ മികച്ച നടിയായി റോസമണ്ട് പൈക് തെരഞ്ഞെടുക്കപ്പെട്ടു. ഷിറ്റ്’സ് ക്രീക്കാണ് മികച്ച കോമഡി പരിപാടി. ക്ലോ ഷാവോ (നൊമാഡ്ലാൻഡ്)- സംവിധായകൻ, ടിവി ഡ്രാമ നടനായി ചാഡ്വിക് ബോസ്മാൻ, ക്വീൻസ് ഗാംബിറ്റ്- ടെലിവിഷൻ സിനിമ, ആനിയ ടെയ്ലർ ജോയ്- ടെലിവിഷൻ സിനിമ നടി (ക്വീൻസ് ഗാംബിറ്റ്) തുടങ്ങിയവയാണ് മറ്റു പുരസ്കാരങ്ങൾ.
അമേരിക്ക പശ്ചാത്തലമായ സിനിമ മിനാരി വിദേശ ഭാഷയിൽ ചിത്രീകരിച്ചതിനാലാണ് പ്രധാന മത്സര ഇനമായി എത്താതിരുന്നത്. എന്നാൽ, അടുത്ത ഓസ്കറിൽ വരെ വലിയ ഓളം സൃഷ്ടിക്കാനാവുന്ന സിനിമയായിട്ടും ഭാഷയുടെ പേരിൽ മാത്രം വിദേശഭാഷ ഇനത്തിൽ മത്സരിക്കേണ്ടിവന്നതിൽ രൂക്ഷ വിമർശനമുയർന്നിട്ടുണ്ട്.