വാഷിങ്ടണ്‍ ഡിസി:
യു എസ്സിലെ റസ്റ്റോറന്റിൽ വംശീയ വിവേചനത്തിന് തന്റെ കുടുംബം ഇരയായെന്ന പരാതിയുമായി ആദിത്യ ബിർള ഗ്രൂപ്പ് ചെയർമാൻ കുമാർ മംഗലം ബിർളയുടെ മകൾ അനന്യ ബിർള. കാലിഫോർണിയയിലെ ഇറ്റാലിയൻ-അമേരിക്കൻ റസ്റ്റോറന്റിലാണ് ദുരനുഭവമുണ്ടായതെന്ന് ട്വിറ്ററിലൂടെയാണ് അനന്യ വെളിപ്പെടുത്തിയത്. ‘സ്കോപ റസ്റ്റോറന്റില്‍’ നിന്നാണ് തന്നെയും തന്റെ കുടുംബത്തെയും പുറത്താക്കിയതെന്ന് അനന്യ വ്യക്തമാക്കി.
“വംശീയയവാദികളാണവർ. എന്നെയും എന്റെ കുടുംബത്തെയും അവര്‍ പുറത്താക്കുകയായിരുന്നു. മൂന്ന് മണിക്കൂറോളം റസ്റ്റോറന്റിൽ കാത്തിരുന്നു. വെയിറ്ററായ ജോഷ്വ സിൽവർമാൻ മോശമായാണ് അമ്മയോട് പെരുമാറിയത്. ഉപയോക്താവിനോട് ഇങ്ങനെയാണോ പെരുമാറേണ്ടത്. ഇത് ഒരിക്കലും അംഗീകരിക്കാനാവില്ലെന്നും, വളരെയധികം വിഷമമുണ്ടെന്നും”-അനന്യ ട്വീറ്റ് ചെയ്തു. പ്രമുഖ ഷെഫ് അന്‍റോണിയ ലോഫാസോയിയുടെ ഉടമസ്ഥതയിലുള്ള റസ്റ്റോറന്റ് ആണിത്.
This restaurant @ScopaRestaurant literally threw my family and I, out of their premises. So racist. So sad. You really need to treat your customers right. Very racist. This is not okay.
— Ananya Birla (@ananya_birla) October 24, 2020
സംഭവം വളരെ ഞെട്ടലുണ്ടാക്കുന്നുവെന്നും ആരോടും ഇങ്ങനെ ഇനി ഒരിക്കലും പെരുമാറരുതെന്നും നീരജ ബിര്‍ള ഈ ട്വീറ്റ് പങ്കുവെച്ചുകൊണ്ട് ട്വിറ്ററില്‍ കുറിച്ചു.