കൊച്ചി:
നടൻ പൃഥ്വിരാജിന് കൊവിഡ് സ്ഥിരീകരിച്ചു. ‘ജനഗണമന’ എന്ന സിനിമയുടെ ചിത്രീകരണത്തിനിടെയാണ് താരത്തിന് കോവിഡ് സ്ഥിരീകരിച്ചത്. ചിത്രത്തിന്റെ സംവിധായകൻ ഡിജോ ജോസ് ആൻറണിക്കും കോവിഡ് പോസിറ്റീവ് ആയിട്ടുണ്ട്. ചിത്രത്തിൽ സൂരജ് വെഞ്ഞാറമ്മൂടും പ്രധാനകഥാപാത്രത്തെ അവതരിപ്പിക്കുന്നു.
കൊവിഡ് പ്രാരംഭവേളയിൽ ‘ആടുജീവിതം’ സിനിമയുടെ ചിത്രീകരണത്തിന്റെ ഭാഗമായി പോയ താരവും അണിയറ പ്രവർത്തകരും ജോർദാനിൽ കുടുങ്ങിയതും, ശേഷം അദ്ദേഹം നാട്ടിലേക്ക് തിരിച്ചെത്തിയതും ക്വാറന്റൈനിൽ കഴിഞ്ഞതുമൊക്കെ ഏറെ വാർത്തയായിരുന്നു.