മലയാളത്തിന്റെ മഹാനടൻ തിലകൻ ഓർമയായിട്ട് ഇന്നേക്ക് എട്ടു വർഷം. ഒരിക്കലും മറക്കാനാകാത്ത വേഷങ്ങൾ പകർന്നാടിയ മഹാ പ്രതിഭയാണ് തിലകൻ .ആ മഹാനടനെ മലയാള നാട് ഓർക്കാത്ത ഒരു ദിവസം പോലും ഉണ്ടാവില്ല.
നാടക രംഗത്ത് പ്രതിഭ തെളിയിച്ച തിലകൻ 1979-ൽ ഉൾക്കടൽ എന്ന ചിത്രത്തിലൂടെയാണ് സിനിമയിൽ അരങ്ങേറ്റം കുറിച്ചത്. നിരവധി ടെലിവിഷൻ സീരിയലുകളിലും അദ്ദേഹം അഭിനയിച്ചിട്ടുണ്ട്.വൈവിധ്യമാര്‍ന്ന വേഷങ്ങള്‍ കൊണ്ടും സൂക്ഷ്മമായ അഭിനയം കൊണ്ടും സിനിമയ്ക്കകത്തും പുറത്തും ഒറ്റയാൻ പോരാട്ടം നടത്തിയ അതുല്ല്യ പ്രതിഭ.
മക്കളായ ഷമ്മി തിലകനും ഷോബി തിലകനും പിതാവിനെ സ്മരിച്ചുകൊണ്ട് ഫേസ് ബുക്കിൽ കുറിപ്പുകൾ പങ്കുവെച്ചിട്ടുണ്ടായിരുന്നു.
ഷോബി തിലകൻ
https://www.facebook.com/shobi.thilakan/posts/3288314634555906
ഷമ്മി തിലകൻ
https://www.facebook.com/shammythilakanofficial/posts/3193842250684166
മഹാനടന്റെ ഓര്‍മകള്‍ പുതുക്കി മലയാളത്തിലെ പ്രമുഖ താരങ്ങളുമെത്തി. മറക്കാൻ പറ്റാത്ത കഥാപാത്രങ്ങള്‍ക്കു ജീവന്‍ നല്‍കിയ തിലകന്റെ ഓര്‍മകള്‍ക്കു മുന്‍പില്‍ ‘ഓര്‍മ്മപ്പൂക്കള്‍’ അര്‍പ്പിച്ച് മമ്മൂട്ടിയും മോഹൻലാലും അദ്ദേഹത്തിൻറെ ചിത്രം പങ്കുവച്ചു.
മോഹൻലാൽ
https://www.facebook.com/ActorMohanlal/posts/3329542540434752
മമ്മൂട്ടി
https://www.facebook.com/Mammootty/posts/10158821095547774
‘തിലകന് എന്ന ഇതിഹാസത്തെ ഓര്‍ക്കുന്നു’ എന്ന വാക്കുകളോടെയാണ് നടന്‍ പൃഥ്വിരാജ് തിലകനെ സ്മരിച്ചുകൊണ്ട് ഫോട്ടോ പങ്കുവെച്ചത്.
പൃഥ്വിരാജ്
https://www.facebook.com/PrithvirajSukumaran/posts/3309518385769869
അഭിനയം ജീവിതത്തിലേക്കും ജീവിതം അഭിനയത്തിലേക്കും കലര്‍ന്നുപോകുന്നുവെന്ന് തോന്നിപ്പിക്കുന്ന നിരവധി അഭിനയ മുഹൂർത്തങ്ങൾ സമ്മാനിച്ച തിലകന്റെ കലാവ്യക്തിത്വം എന്നുമൊരു പാഠപുസ്തകമാണ് . അദ്ദേഹത്തിന്റെ സ്മരണകൾക്ക് മുൻപിൽ ആദരാഞ്ജലികൾ.