കൊച്ചി:
ഒഎൻജിസി അപ്രന്റീസ് റിക്രൂട്ട്‌മെന്റ് 2020: ONGC Apprentice Recruitment 2020
ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ ലിമിറ്റഡ് (ഒഎൻജിസി) അപ്രന്റീസിനുള്ള റിക്രൂട്ട്‌മെന്റ് പരീക്ഷയുടെ ഫലം വെബ്‌സൈറ്റിൽ തിങ്കളാഴ്ച പ്രഖ്യാപിച്ചു.
അപേക്ഷകർക്ക് ഓൺലൈനായി അവരുടെ ഫലങ്ങൾ ongcapprentices.ongc.co.in ൽ പരിശോധിക്കാം.
4182 അപ്രന്റീസ് ഒഴിവുകൾ നികത്താനാണ് ഒഎൻജിസി അപേക്ഷ ക്ഷണിച്ചിരുന്നത്. 1579 – വെസ്റ്റേൺ സെക്ടർ, 764 -മുംബൈ സെക്ടർ, 716 – ഈസ്റ്റേൺ സെക്ടർ, 674 – സതേൺ സെക്ടർ, 228 – നോർത്തേൺ സെക്ടർ, 221 – സെൻട്രൽ സെക്ടർ എന്നിങ്ങനെയാണ് ഒഴിവുകൾ.
ഇൻസ്റ്റിറ്റ്യൂട്ട് ഓഫ് ബാങ്കിംഗ് പേഴ്‌സണൽ സെലക്ഷൻ: Institute of Banking Personnel Selection (IBPS)
ഇൻസ്റ്റിറ്റ്യൂട്ട് ഓഫ് ബാങ്കിംഗ് പേഴ്‌സണൽ സെലക്ഷൻ (ഐബിപിഎസ്) ഐബിപിഎസ് ആർആർബി പ്രാഥമിക പരീക്ഷ മാറ്റിവച്ചു. ഇതിന്റെ അറിയിപ്പ് ഇൻസ്റ്റിറ്റ്യൂട്ടിന്റെ ഔദ്യോഗിക വെബ്‌സൈറ്റിൽ കാണാം.
ഐബിപിഎസ് ആർആർബി പ്രാഥമിക പരീക്ഷ സെപ്റ്റംബർ 12, 13 തീയതികളിലാണ് നടത്താൻ നിശ്ചയിച്ചിരുന്നത്. ഐബിപിഎസ് ആർആർബി പരീക്ഷയ്ക്കുള്ള പുതുക്കിയ സമയവിവരം ഇൻസ്റ്റിറ്റ്യൂട്ട് അതിന്റെ ഔദ്യോഗിക വെബ്‌സൈറ്റിൽ പ്രഖ്യാപിക്കും.
പഞ്ചാബ് നാഷണൽ ബാങ്ക്: The Punjab National Bank
സ്പെഷ്യലിസ്റ്റ് ഓഫീസർ (മാനേജർ, സീനിയർ മാനേജർ) എന്നിവരെ നിയമിക്കുന്നതിനുള്ള അറിയിപ്പ് പഞ്ചാബ് നാഷണൽ ബാങ്ക് ഔദ്യോഗിക വെബ്‌സൈറ്റിൽ പ്രസിദ്ധീകരിച്ചു. ഓൺലൈൻ രജിസ്ട്രേഷൻ പ്രക്രിയ 2020 സെപ്റ്റംബർ 8 ന് ആരംഭിക്കും.
അപേക്ഷിക്കാനാഗ്രഹിക്കുന്നവർ 2020 സെപ്റ്റംബർ 29 നു മുമ്പ് pnbindia.in ൽ ഓൺലൈനായി തസ്തികയിലേക്ക് അപേക്ഷിക്കേണ്ടതാണ്.
535 ഒഴിവുകളാണ് ആകെ ഉള്ളത്.
കൂടുതൽ വിവരങ്ങൾക്കായി അവരുടെ അറിയിപ്പ് നോക്കുക.