ലോകത്തെ കൊവിഡ് ബാധിതരുടെ എണ്ണം 58 ലക്ഷത്തിലേക്ക് അടുക്കുകയാണ്. മരണം മൂന്ന് ലക്ഷത്തി നാൽപ്പത്തി ഒൻപതിനായിരത്തി ഒരുന്നൂറ്റി തൊണ്ണൂറായി. അമേരിക്കയിൽ മാത്രം രോഗബാധിതർ പതിനേഴര ലക്ഷത്തോട് അടുക്കുകയാണ്. മരണം ഒരു ലക്ഷത്തി രണ്ടായിരം ആയി.
റഷ്യയിൽ രോഗബാധിതരുടെ എണ്ണം 3 ലക്ഷത്തി എഴുപതിനായിരം കടന്നു. ബ്രിട്ടനിലും ദിനംപ്രതി രോഗബാധയും മരണവും ഉയർന്നുകൊണ്ടിരിക്കുകയാണ്. അതേസമയം, ഇവിടെ ഒരു മാസത്തിലേറെയായി വെന്റിലേറ്ററിൽ കഴിഞ്ഞ മൂന്ന് മലയാളികൾ രോഗം ഭേദമായി ആശുപത്രി വിട്ടു.