ഛത്തീസ്ഗഢ്:
വിശാഖപട്ടണത്തിന് പിന്നാലെ ഛത്തീസ്ഗഢിലും വിഷവാതകചോർച്ച. ഛത്തീസ്ഗഢിലെ റായ്ഗഢ് ജില്ലയിലെ പേപ്പർ ഫാക്ടറിയിലാണ് സംഭവം. ഏഴു തൊഴിലാളികളെ ആശുപത്രിയിൽ പ്രവേശിപ്പിച്ചിട്ടുണ്ട്. ഇതില്‍ മൂന്ന് പേരുടെ നില ഗുരുതരമാണ്. റായ്പൂരിലെ ആശുപത്രിയിലാണ് ഇവര്‍ ചികിത്സയിലുള്ളത്.
ടെറ്റ്ല ഗ്രാമത്തിലെ ശക്തി പേപ്പര്‍ മില്ലില്‍ നിന്നാണ് വിഷവാതകം ചോര്‍ന്നത്. ലോക്ഡൗണിനെ തുടര്‍ന്ന് അടച്ചിട്ട മില്ല് ഇന്ന് വൃത്തിയാക്കുന്നതിനിടെയാണ് ഇവര്‍ വിഷവാതകം ശ്വസിച്ചത്. ചോർച്ചയ്ക്ക് പിന്നിലെ കൃത്യമായ കാരണം കണ്ടെത്താൻ ഫോറൻസിക് വിദഗ്ധരുടെ ഒരു സംഘം സംഭവസ്ഥലത്തെത്തിയിട്ടുണ്ട്.