പത്തനംതിട്ടയിലെ രോഗികൾ സന്ദർശിച്ച സ്ഥലങ്ങളുടെയും സമയക്രമത്തിന്റെയും വിശദമായ ചാർട്ട് ആരോഗ്യവകുപ്പ് പുറത്തുവിട്ടു

തിരുവനന്തപുരം:

പത്തനംതിട്ട ജില്ലയില്‍ കോവിഡ് 19 സ്ഥിരീകരിച്ച രോഗികൾ സഞ്ചരിച്ച സ്ഥലങ്ങളുടെ സമയമടക്കമുള്ള വിശദമായ വിവരങ്ങൾ ആരോഗ്യവകുപ്പ് പുറത്തുവിട്ടു. ഫെബ്രുവരി 26 മുതൽ മാർച്ച് 6 വരെ ഇവർ സന്ദർശിച്ച സ്ഥലങ്ങളിൽ പ്രസ്തുത സമയങ്ങളിൽ ഉണ്ടായിരുന്നവർ ആരോഗ്യവകുപ്പ് നൽകിയിട്ടുള്ള നമ്പറുകളിൽ ബന്ധപ്പെടണമെന്നാണ് അറിയിപ്പ്.

ആരോഗ്യകേരളം എന്ന ഔദ്യോഗിക ഫേസ്ബുക്ക് പേജിലും ഈ ചാർട്ടും ആരോഗ്യവകുപ്പിന്റെ അറിയിപ്പും ലഭ്യമാണ്. അതേസമയം, കോവിഡ് 19 ബാധയെക്കുറിച്ച് സോഷ്യൽ മീഡിയയിലൂടെ വ്യാജവാർത്ത പ്രചരിപ്പിച്ചതിൽ സംസ്ഥാനത്ത് ഇതുവരെ എട്ട് കേസുകൾ രജിസ്റ്റർ ചെയ്യുകയും നാല് പേരെ അറസ്റ്റ് ചെയ്യുകയും ചെയ്തു.