ബംഗാൾ:
ഡല്‍ഹിയിലേതു പോലെ ‘ഗോലി മാരോ’ മുദ്രാവാക്യങ്ങള്‍ ബംഗാളില്‍ അനുവദിക്കില്ല എന്ന് മുഖ്യമന്ത്രി മമത ബാനർജി. ഡൽഹിയിൽ കലാപത്തിന് വഴിയൊരുക്കിയത് ഇത്തരം വിദ്വേഷ മുദ്രാവാക്യങ്ങൾ ആണെന്നും അദ്ദേഹം പറഞ്ഞു. ഇത് ഡല്‍ഹിയല്ലെന്ന് ഓര്‍ക്കണമെന്നും നിയമവിരുദ്ധമായി പ്രവര്‍ത്തിക്കുന്നവര്‍ കനത്ത പ്രത്യാഘാതങ്ങള്‍ നേരിടേണ്ടിവരുമെന്നും മമത ബാനര്‍ജി തുറന്നടിച്ചു.കഴിഞ്ഞ ദിവസം കൊല്‍ക്കത്തയില്‍ അമിത് ഷാ പങ്കെടുത്ത റാലിയിലാണ് ‘ഗോലി മാരോ സാലോം കോ’ എന്ന മുദ്രാവാക്യം മുഴക്കിയത്. കൊല്‍ക്കത്ത ഷാഹിദ് മിനാര്‍ മൈതാനത്തേക്ക് ബിജെപി പതാകയുമായി വന്ന അണികളാണ് വിദ്വേഷ മുദ്രാവാക്യങ്ങള്‍ വിളിച്ചത്.