ശ്രീനഗര്‍:
ജമ്മു- ശ്രീനഗര്‍ ദേശീയപാതയില്‍ നാഗര്‍ഗോട്ടയിലുള്ള ടോള്‍ പ്ലാസക്ക് സമീപമുണ്ടായ ഏറ്റുമുട്ടലില്‍ സുരക്ഷ സേന മൂന്ന് തീവ്രവാദികളെ വധിച്ചു. ഏറ്റുമുട്ടലില്‍ ഒരു പോലീസുകാരന് പരിക്കേറ്റിട്ടുമുണ്ട്. ഇന്ന് പുലര്‍ച്ചെ അഞ്ച് മണിയോടെയായിരുന്നു സംഭവം. നാഗര്‍ഗോട്ടയിലെ ബാന്‍ ടോള്‍ പ്ലാസയിലുണ്ടായിരുന്ന പൊലീസ് സംഘത്തിന് നേരെ നാലുപേരടങ്ങിയ ഭീകരര്‍ വെടിയുതിര്‍ക്കുകയായിരുന്നു.ടോള്‍ പ്ലാസക്ക് സമീപത്ത് വെച്ച്‌ തീവ്രവാദികള്‍ സഞ്ചരിച്ചിരുന്ന ട്രക്ക് തടഞ്ഞ് പോലീസ് പരിശോധന നടത്തുന്നതിനിടെ ആയിരുന്നു വെടിവെപ്പ്. ഭീകരര്‍ വെടിവെച്ചതോടെ പോലീസും സിആര്‍പിഎഫ് സംഘവും പ്രത്യാക്രമണം നടത്തി.